ವೈರಲ್‌ಗಾಗಿ ವಿಚಿತ್ರ ಸಾಹಸ! ಕಾಂಡೋಮ್‌ನಿಂದ ಪಕೋಡ ಮಾಡಿ ತಿಂದ ಯುವತಿ; ವಿಡಿಯೋಗೆ ನೆಟ್ಟಿಗರ ತೀವ್ರ ಆಕ್ರೋಶ

ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಫಾಲೋವರ್ಸ್‌, ಲೈಕ್ಸ್‌ ಮತ್ತು ವೈರಲ್‌ ಖ್ಯಾತಿ ಗಳಿಸುವ ಹುಚ್ಚು ಕೆಲವರನ್ನು ವಿಚಿತ್ರ ಹಾಗೂ ವಿವಾದಾತ್ಮಕ ಕೃತ್ಯಗಳತ್ತ ತಳ್ಳುತ್ತಿರುವ ಘಟನೆಗಳು ಹೆಚ್ಚಾಗುತ್ತಿವೆ. ಇದೀಗ ಯುವತಿಯೊಬ್ಬಳು ಕಾಂಡೋಮ್‌ ಬಳಸಿ ಪಕೋಡ ತಯಾರಿಸಿ ಅದನ್ನು ತಿನ್ನುವ ವಿಡಿಯೋ ಹಂಚಿಕೊಂಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಚರ್ಚೆಗೆ ಕಾರಣವಾಗಿದೆ.

ವೈರಲ್ ಆಗಿರುವ ವಿಡಿಯೋದಲ್ಲಿ ಯುವತಿ ಕಾಂಡೋಮ್‌ಗಳನ್ನು ಹಿಟ್ಟಿನಲ್ಲಿ ಅದ್ದಿ ಎಣ್ಣೆಯಲ್ಲಿ ಕರಿದು ಪಕೋಡದಂತೆ ತಯಾರಿಸುತ್ತಾಳೆ. ಬಳಿಕ ಅದಕ್ಕೆ ಸಾಸ್‌ ಹಚ್ಚಿಕೊಂಡು ತಿನ್ನುತ್ತಾ, “ಇದು ತುಂಬಾ ಕ್ರಂಚಿಯಾಗಿದೆ” ಎಂದು ಹೇಳಿರುವುದು ವಿಡಿಯೋದಲ್ಲಿ ಕಾಣಿಸುತ್ತದೆ. ಈ ದೃಶ್ಯ ಅನೇಕ ಮಂದಿಯನ್ನು ಅಚ್ಚರಿಗೊಳಿಸಿದ್ದು, ಕೆಲವರು ಅಸಹ್ಯ ವ್ಯಕ್ತಪಡಿಸಿದ್ದಾರೆ.

ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೇಗವಾಗಿ ಹರಡುತ್ತಿದ್ದಂತೆ ನೆಟ್ಟಿಗರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ವೈರಲ್ ಆಗುವ ಉದ್ದೇಶಕ್ಕಾಗಿ ಇಂತಹ ವಿಚಿತ್ರ ಪ್ರಯೋಗಗಳನ್ನು ಮಾಡುವ ಪ್ರವೃತ್ತಿಯನ್ನು ಹಲವರು ಖಂಡಿಸಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯಲು ಜನರು ಯಾವ ಮಟ್ಟಕ್ಕೂ ಹೋಗುತ್ತಿದ್ದಾರೆ ಎಂದು ಕಿಡಿಕಾರಿದ್ದಾರೆ.