ಅಂಚೆ ಇಲಾಖೆ ತನ್ನ ಬಹುಮಾನ್ಯ ಸೇವೆಗಳಲ್ಲಿ ಒಂದಾದ ರಿಜಿಸ್ಟರ್ಡ್ ಪೋಸ್ಟ್ ಸೇವೆಯನ್ನು ಅಧಿಕೃತವಾಗಿ ಸ್ಥಗಿತಗೊಳಿಸಲು ನಿರ್ಧರಿಸಿದೆ. ಸೆಪ್ಟೆಂಬರ್ 1ರಿಂದ ಈ ಸೇವೆಯನ್ನು ಸ್ಪೀಡ್ ಪೋಸ್ಟ್ ಸೇವೆಯೊಂದಿಗೆ ವಿಲೀನಗೊಳಿಸಲಾಗುವುದು. ಈ ಮೂಲಕ ದಶಕಗಳ ಇತಿಹಾಸ ಹೊಂದಿದ್ದ ರಿಜಿಸ್ಟರ್ಡ್ ಪೋಸ್ಟ್ ಸೇವೆಗೆ ಅಧಿಕೃತವಾಗಿ ವಿದಾಯ ಹೇಳಲಾಗುತ್ತಿದೆ.
ಸುತ್ತೋಲೆ ಪ್ರಕಟಣೆ: ಮಾರ್ಗಸೂಚಿಗಳ ತಿದ್ದುಪಡಿ ಅನಿವಾರ್ಯ
ಅಂಚೆ ಇಲಾಖೆ ಈ ಕುರಿತು ಇತ್ತೀಚೆಗಷ್ಟೇ ಸುತ್ತೋಲೆ ಹೊರಡಿಸಿದ್ದು, ಜುಲೈ 31ರೊಳಗೆ ಎಲ್ಲಾ ವಿಭಾಗೀಯ ಕಚೇರಿಗಳು ರಿಜಿಸ್ಟರ್ಡ್ ಪೋಸ್ಟ್ ಗೆ ಸಂಬಂಧಿಸಿದ ಕಾರ್ಯನೀತಿಗಳನ್ನು ಬದಲಾಯಿಸಬೇಕೆಂದು ಸೂಚಿಸಲಾಗಿದೆ. ಸೆಪ್ಟೆಂಬರ್ 1ರಿಂದ ಯಾವ ಅಂಚೆ ಕಚೇರಿಯಲ್ಲಿಯೂ ‘ರಿಜಿಸ್ಟರ್ಡ್ ಪೋಸ್ಟ್’ ಎಂಬ ಶೀರ್ಷಿಕೆ ಕಾಣಿಸುವುದಿಲ್ಲ. ಬದಲಾಗಿ, ಎಲ್ಲಾ ಪ್ರಮುಖ ಪತ್ರ ವ್ಯವಹಾರಗಳು ಸ್ಪೀಡ್ ಪೋಸ್ಟ್ ಮೂಲಕ ಸಾಗಿಸಲಾಗುವುದು.
ಪ್ರಮುಖ ಪತ್ರಗಳ ಭದ್ರತೆ ಮತ್ತು ನಂಬಿಕೆಯ ಚಿಹ್ನೆ
ಒಂದು ಕಾಲದಲ್ಲಿ ರಿಜಿಸ್ಟರ್ಡ್ ಪೋಸ್ಟ್ ಅಂದರೆ ಅದು ಭದ್ರವಾಗಿ, ದಾಖಲೆಯೊಂದಿಗೆ ತಲುಪುತ್ತದೆ ಎಂಬ ನಂಬಿಕೆ ಜನರಲ್ಲಿ ಆಳವಾಗಿ ಬೇರೂರಿತ್ತು. ಉದ್ಯೋಗ ಅಪಾಯಿಂಟ್ಮೆಂಟ್ ಪತ್ರಗಳು, ನ್ಯಾಯಾಂಗ ನೋಟೀಸ್ಗಳು, ಬ್ಯಾಂಕ್ ಅಧಿಸೂಚನೆಗಳು ಸೇರಿದಂತೆ ಹಲವಾರು ಮಹತ್ವದ ದಾಖಲೆಗಳನ್ನು ರಿಜಿಸ್ಟರ್ಡ್ ಪೋಸ್ಟ್ ಮೂಲಕವೇ ಕಳುಹಿಸಲಾಗುತ್ತಿತ್ತು.
ಕೋರೀಯರ್ಗಳ ಸ್ಪರ್ಧೆ ಮತ್ತು ಸ್ಪೀಡ್ ಪೋಸ್ಟ್ ಪರಿಚಯ
ಆದರೆ ಹಿಗ್ಗುತ್ತಿರುವ ಖಾಸಗಿ ಕೊರಿಯರ್ ಸೇವೆಗಳ ಮಧ್ಯೆ ರಿಜಿಸ್ಟರ್ಡ್ ಪೋಸ್ಟ್ ತನ್ನ ಛಾಯೆಯನ್ನು ಕಳೆದುಕೊಳ್ಳತೊಡಗಿತು. ಇದನ್ನು ತಡೆಗಟ್ಟಲು ಅಂಚೆ ಇಲಾಖೆ ಸ್ಪೀಡ್ ಪೋಸ್ಟ್ ಸೇವೆಯನ್ನು ಪರಿಚಯಿಸಿತು. ಕಡಿಮೆ ಸಮಯದಲ್ಲಿ ಹೆಚ್ಚು ವೇಗವಾಗಿ ಪತ್ರವನ್ನು ಗಮ್ಯಸ್ಥಾನಕ್ಕೆ ತಲುಪಿಸುವ ಈ ಹೊಸ ಸೇವೆ ಜನಪ್ರಿಯವಾಗತೊಡಗಿದ ಕಾರಣ, ಇದೀಗ ಅದೇ ಸೇವೆಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗುತ್ತಿದೆ.
ಇನ್ನುಮುಂದೆ ಇರುವ ಅಂಚೆ ಸೇವೆಗಳು
ಸೆಪ್ಟೆಂಬರ್ 1ರಿಂದ ದೇಶದಾದ್ಯಂತ ಅಂಚೆ ಕಚೇರಿಗಳಲ್ಲಿ ಕೇವಲ ಎರಡು ರೀತಿಯ ಪತ್ರ ವಿತರಣೆ ಸೇವೆಗಳು ಲಭ್ಯವಿರುತ್ತವೆ — ಸಾಮಾನ್ಯ ಅಂಚೆ (Normal Post) ಮತ್ತು ಸ್ಪೀಡ್ ಪೋಸ್ಟ್ (Speed Post). ಇವುಗಳ ಹೊರತಾಗಿ, ಅಂಚೆ ಇಲಾಖೆ ನಿರ್ವಹಿಸುತ್ತಿರುವ ಉಳಿದ ಸ್ಮಾಲ್ ಸೇವಿಂಗ್ ಯೋಜನೆಗಳು — ರೆಕರಿಂಗ್ ಡೆಪಾಸಿಟ್ (RD), ಸುಕನ್ಯಾ ಸಮೃದ್ಧಿ ಯೋಜನೆ (SSA), ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ (PPF) ಮುಂತಾದವು ಎಂದಿನಂತೆ ಮುಂದುವರೆಯಲಿವೆ.
ಇತಿಹಾಸದಲ್ಲಿ ಒಡನಾಡಿ ಸೇವೆಯೊಂದು ಸೇರ್ಪಡೆ
ಅಂಚೆ ಇಲಾಖೆಯ ಈ ನಿರ್ಧಾರ ಒಂದು ಯುಗದ ಅಂತ್ಯವಾಗಿದೆ ಎಂಬಂತಾಗಿದೆ. ರಿಜಿಸ್ಟರ್ಡ್ ಪೋಸ್ಟ್ ಎಂಬ ಹೆಸರಿನಲ್ಲಿ ಓಡುತ್ತಿದ್ದ ಅಪಾರ ಭರವಸೆಯ ಈ ಸೇವೆ ಇನ್ನು ಮುಂದೆ ಕೇವಲ ನೆನಪುಗಳಲ್ಲಿ ಉಳಿಯಲಿದೆ. ಆದರೆ ಅದರ ಭದ್ರತೆ, ನಿಖರತೆ, ದಾಖಲೆ ಶಾಖೆಯೊಂದಿಗೆ ಉಳಿದ ಸಾಧನೆಗಳು ಸದಾ ಮೌಲ್ಯವಾಗಿಯೇ ಇರುತ್ತವೆ.
***
ಭ್ರಷ್ಟರ ಬೇಟೆ ಪತ್ರಿಕೆಗೆ ರಾಜ್ಯದ್ಯಂತ ವರದಿಗಾರರು ಬೇಕಾಗಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ 8088070392
ಮಧುಗಿರಿ: ಪೌತಿ ಖಾತೆ ಮಾಡಿಕೊಡಲು ₹1 ಲಕ್ಷ ಲಂಚಕ್ಕೆ ಬೇಡಿಕೆ ಇಟ್ಟಿದ್ದ ಆರೋಪದ ಮೇಲೆ, ಎರಡನೇ ಕಂತಿನ ₹30 ಸಾವಿರ…
ಬೆಂಗಳೂರು: ರಾಜ್ಯದಲ್ಲಿ ಮಳೆಯ ಕೊರತೆಯಿಂದ ಬರ ಪರಿಸ್ಥಿತಿ ತೀವ್ರಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ರೈತರಿಗೆ ತಾತ್ಕಾಲಿಕ ಆರ್ಥಿಕ ನೆರವು ನೀಡಲು ರಾಜ್ಯ ಸರ್ಕಾರ…
ಶಿರಸಿ: ತಾಲೂಕಿನ ಬನವಾಸಿ ಹೋಬಳಿಯ ಉಂಚಳ್ಳಿ ಗ್ರಾಮದ ಅರ್ಲಹೊಂಡ ಸೇತುವೆ ಕಮ್ ಬಾಂದಾರದಲ್ಲಿ ದಾಸ್ತಾನು ಮಾಡಲಾಗಿದ್ದ ಸಣ್ಣ ನೀರಾವರಿ ಇಲಾಖೆಗೆ…
ಮಂಡ್ಯ: ಮದ್ದೂರಿನ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ (BCM) ನಿವೃತ್ತ ಹಾಸ್ಟೆಲ್ ಸೂಪರಿಂಟೆಂಡೆಂಟ್ ಶಿವರಾಜು ಅವರ ಮನೆ ಮತ್ತು ಫಾರ್ಮ್ಹೌಸ್…
ರಾಯಚೂರು: ಜಿಲ್ಲೆಯ ಸಿಂಧನೂರು ತಾಲೂಕಿನ ಹೊರವಲಯದಲ್ಲಿ ಒಂದೂವರೆ ವರ್ಷದ ಕಂದಮ್ಮನ ಎದುರೇ 26 ವರ್ಷದ ಗೃಹಿಣಿ ಸ್ನೇಹಾ ಎಂಬಾಕೆಯ ಬರ್ಬರ…
ಬಿಹಾರದ ನವಾಡಾ ಜಿಲ್ಲೆಯ ಸರ್ಕಾರಿ ಶಾಲೆಯೊಂದರಲ್ಲಿ ಮುಖ್ಯಶಿಕ್ಷಕನೊಬ್ಬ 8ನೇ ತರಗತಿಯ ವಿದ್ಯಾರ್ಥಿನಿಯರಿಗೆ ನಿರಂತರವಾಗಿ ಲೈಂಗಿಕ ಕಿರುಕುಳ ನೀಡಿರುವ ಆಘಾತಕಾರಿ ಘಟನೆ…