ಜೋಳದ ಹೊಲದಲ್ಲಿ ಮೇಕೆಯ ಮೇಲೆ ಅತ್ಯಾಚಾರ ಎಸಗಿ ಹತ್ಯೆ ಮಾಡಿದ ಕಾಮುಕ!

ಬಿಹಾರದ ಪೂರ್ಣಿಯಾ ಜಿಲ್ಲೆಯಲ್ಲಿ ಹೃದಯವಿದ್ರಾವಕ ಘಟನೆ ಬೆಳಕಿಗೆ ಬಂದಿದೆ. ಮದ್ಯದ ಅಮಲಿನಲ್ಲಿ ಕಾಮುಕನೊಬ್ಬ ಮೇಕೆಯನ್ನು ಅಪಹರಿಸಿ ಅತ್ಯಾಚಾರ ಎಸಗಿದ ಬಳಿಕ, ಅದನ್ನು ಕೊಂದು ಹಾಕಿರುವ ಘಟನೆಯು ಗ್ರಾಮಸ್ಥರಲ್ಲಿ ಆಕ್ರೋಶ ಮೂಡಿಸಿದೆ.

ಘಟನೆ ವಿವರ:
ಪೂರ್ಣಿಯಾ ಜಿಲ್ಲೆಯ ನಿವಾಸಿ ಛಂಜಿ ಹನ್ಸ್ದಾ ಎಂಬುವವರಿಗೆ ಸೇರಿದ ಮೇಕೆ ಈ ಕ್ರೂರ ಕೃತ್ಯಕ್ಕೆ ಗುರಿಯಾಗಿದೆ. ಮಧ್ಯಾಹ್ನ 2 ಗಂಟೆ ಸುಮಾರಿಗೆ, ಹನ್ಸ್ದಾ ತಮ್ಮ ಮೇಕೆಯನ್ನು ಮನೆಯ ಹೊರಗೆ ಹಗ್ಗದಿಂದ ಕಟ್ಟಿ, ತಮ್ಮ ದೈನಂದಿನ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದರು. ಕೆಲ ಹೊತ್ತಿನ ನಂತರ ಹೊರಗೆ ಬಂದಾಗ, ಮೇಕೆ ಕಾಣೆಯಾಗಿರುವುದನ್ನು ಗಮನಿಸಿದರು.

ಮೇಕೆಯನ್ನು ಹುಡುಕುವ ಉದ್ದೇಶದಿಂದ ಸುತ್ತಮುತ್ತ ಹುಡುಕಾಟ ನಡೆಸಿದರೂ, ಅದು ಕಂಡುಬರುವುದಿಲ್ಲ. ನಂತರ, ಆತ ಜೋಳದ ಹೊಲದ ಕಡೆಗೆ ತೆರಳಿದಾಗ ಆಘಾತಕಾರಿ ದೃಶ್ಯ ಕಂಡುಬಂತು – ಆರೋಪಿ ಮೇಕೆಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗುತ್ತಿದ್ದು, ಪೀಡನೆಯ ಗಾತ್ರ ತಾಳಲಾರದ ಮೇಕೆಯನ್ನು ಶವವಾಗಿ ಬಿಸಾಡಿದ್ದ.

ಗ್ರಾಮಸ್ಥರ ಆಕ್ರೋಶ:
ಈ ಘಟನೆ ನೋಡಿದ ಹನ್ಸ್ದಾ ತಕ್ಷಣವೇ ಗ್ರಾಮಸ್ಥರಿಗೆ ಮಾಹಿತಿ ನೀಡಿದರೆ, ಅವರು ಕೂಡಲೇ ಜಮಾಯಿಸಿ ಆರೋಪಿಯನ್ನು ಹಿಡಿದು ಹಿಗ್ಗಾಮುಗ್ಗಾ ಥಳಿಸಿದರು. ಬಳಿಕ, ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಿ ಆರೋಪಿಯನ್ನು ಅವರ ವಶಕ್ಕೆ ಒಪ್ಪಿಸಿದರು.

ಪೊಲೀಸರ ಕ್ರಮ:
ಅಪರಾಧಿಗೆ ಕೆನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಚಿಕಿತ್ಸೆ ನೀಡಲಾಗುತ್ತಿದ್ದು, ಪೊಲೀಸರು ಆತನ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುತ್ತಿದ್ದಾರೆ. ಈ ಅಮಾನವೀಯ ಕೃತ್ಯಕ್ಕೆ ಸಂಬಂಧಿಸಿದಂತೆ ಪೊಲೀಸರು ಸಂಪೂರ್ಣ ತನಿಖೆ ಆರಂಭಿಸಿದ್ದಾರೆ.

ಈ ಘಟನೆಯಿಂದ ಗ್ರಾಮಸ್ಥರು ನಡುಗಿಹೋಗಿದ್ದು, ಇಂತಹ ಕ್ರೂರ ಕೃತ್ಯಗಳನ್ನು ತಡೆಗಟ್ಟಲು ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಅವರು ಆಗ್ರಹಿಸುತ್ತಿದ್ದಾರೆ.