ಪೂಲ್‌ನಲ್ಲಿ ಬಾಯ್ ಫ್ರೆಂಡ್ ನೊಂದಿಗೆ ಮಹಿಳೆ ರೋಮ್ಯಾನ್ಸ್: ದಿಡೀರನೆ ಬಂದ ಗಂಡ..! ವೈರಲ್ ವಿಡಿಯೋ

ಸ್ವಿಮ್ಮಿಂಗ್ ಪೂಲ್‌ನಲ್ಲಿ ಮಹಿಳೆ ತನ್ನ ಬಾಯ್‌ಫ್ರೆಂಡ್ ಜೊತೆಗೆ ಸಮಯ ಕಳೆಯುತ್ತಿದ್ದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ವೇಳೆ ಆಕೆಯ ಪತಿ ಅಚಾನಕ್ ಮನೆಗೆ ಬಂದಿದ್ದು, ಬಳಿಕ ನಡೆದ ಘಟನೆ ಕುತೂಹಲಕ್ಕೆ ಕಾರಣವಾಗಿದೆ.

ವೈರಲ್ ವಿಡಿಯೋದಲ್ಲಿ ಮಹಿಳೆ ತನ್ನ ಗೆಳೆಯನೊಂದಿಗೆ ಪೂಲ್‌ನಲ್ಲಿ ಆಟವಾಡುತ್ತಿರುವುದು ಕಾಣುತ್ತದೆ. ಇದೇ ವೇಳೆ ಆಕೆಯ ಪತಿ ಮನೆಗೆ ಆಗಮಿಸುತ್ತಿದ್ದಂತೆ ಮಹಿಳೆ ಗಾಬರಿಗೊಂಡು, ಪರಿಸ್ಥಿತಿಯನ್ನು ನಿಭಾಯಿಸಲು ಯತ್ನಿಸುತ್ತಾಳೆ. ಆಕೆಯ ಸೂಚನೆ ಮೇರೆಗೆ ಬಾಯ್‌ಫ್ರೆಂಡ್ ನೀರಿನ ಅಡಿಯಲ್ಲಿ ಅಡಗಿಕೊಳ್ಳುತ್ತಾನೆ.

ಸುಮಾರು 2.8 ನಿಮಿಷಗಳ ಕಾಲ ಉಸಿರು ಬಿಗಿಹಿಡಿದು ನೀರಿನಡಿಯಲ್ಲಿ ಉಳಿದಿರುವುದು ವಿಡಿಯೋದಲ್ಲಿ ಗಮನಸೆಳೆಯುತ್ತದೆ. ಈ ಎಲ್ಲಾ ದೃಶ್ಯಗಳು ಸಿಸಿಟಿವಿಯಲ್ಲಿ ದಾಖಲಾಗಿದ್ದು, ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.

ಗಂಡ ಮನೆಗೆ ಬಂದು ಪೂಲ್ ಕಡೆಗೆ ಬರುತ್ತಿದ್ದಾಗ ಮಹಿಳೆ ಆತನ ಗಮನ ಬೇರೆಡೆಗೆ ತಿರುಗಿಸಲು ಪ್ರಯತ್ನಿಸುತ್ತಾಳೆ. ಗಂಡ ಕೂಡ ಪೂಲ್‌ಗೆ ಇಳಿಯಲು ಮುಂದಾದಾಗ ಪರಿಸ್ಥಿತಿ ಗಂಭೀರವಾಗುತ್ತದೆ. ಆದರೂ ಮಹಿಳೆ ತನ್ನ ಚಾತುರ್ಯದಿಂದ ಗಂಡನಿಗೆ ಅನುಮಾನ ಬರದಂತೆ ನೋಡಿಕೊಳ್ಳುತ್ತಾಳೆ.

ಇದೇ ವೇಳೆ, ಅವಕಾಶ ಸಿಕ್ಕ ಕೂಡಲೇ ಬಾಯ್‌ಫ್ರೆಂಡ್ ನೀರಿನಿಂದ ಹೊರಬಂದು ಅಲ್ಲಿಂದ ಪರಾರಿಯಾಗುತ್ತಾನೆ. ಈ ವಿಡಿಯೋವನ್ನು @NeverteIImeodd ಎಂಬ ಬಳಕೆದಾರರು ಎಕ್ಸ್‌ನಲ್ಲಿ ಹಂಚಿಕೊಂಡಿದ್ದು, ಲಕ್ಷಾಂತರ ಮಂದಿ ವೀಕ್ಷಿಸಿದ್ದಾರೆ. ಬಳಕೆದಾರರು ಈ ಘಟನೆಯ ಬಗ್ಗೆ ವಿಭಿನ್ನ ರೀತಿಯ ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ.