ಬೆಂಗಳೂರು: ಯುವತಿಯೊಬ್ಬಳಿಗೆ ಬೇರೊಬ್ಬ ವ್ಯಕ್ತಿಯ ಅಸಭ್ಯ ವರ್ತನೆಯಿಂದ ತೀವ್ರ ಆಘಾತವಾಗಿದೆ. ತನ್ನ ಮನೆಯಿಂದ ಪಕ್ಕದ ಕಟ್ಟಡದ ಟೆರೆಸ್ ಕಡೆ ನೋಡುವಾಗ, ಅಲ್ಲಿ ನಿಂತು ಆ ವ್ಯಕ್ತಿ ಜಿಪ್ ತೆರೆದು ಹಸ್ತಮೈಥುನ ಮಾಡುತ್ತಿದ್ದಾನೆ ಎಂಬ ಭೀಕರ ಅನುಭವವನ್ನು ಯುವತಿ ರೆಡ್ಡಿಟ್ನಲ್ಲಿ ಹಂಚಿಕೊಂಡಿದ್ದಾಳೆ.
‘NSFW’ ಎಂಬ ಬಳಕೆದಾರ ಹೆಸರಿನಿಂದ ಯುವತಿ ಈ ಕುರಿತು ವಿಡಿಯೋ ಸಹಿತ ಒಂದು ಪೋಸ್ಟ್ ಹಾಕಿದ್ದು, “ಈ ವ್ಯಕ್ತಿ ನನ್ನ ಮುಂದೆಯೇ ಇಂತಹ ಅಸಭ್ಯ ವರ್ತನೆ ನಡೆಸಿದ. ನಾನು ಶಾಕ್ಗೆ ಒಳಗಾದೆ. ಅಸಹ್ಯವಾಯಿತು, ಹೆದರಿದೆ, ಏನು ಮಾಡಬೇಕೆಂದು ತಿಳಿಯದಂತಾಯಿತು. ಇಂತಹ ಸಂದರ್ಭದಲ್ಲೇನಾದರೂ ಸರಿಯಾದ, ಸುರಕ್ಷಿತ ಮಾರ್ಗವಿದ್ದರೆ ದಯವಿಟ್ಟು ತಿಳಿಸಿ” ಎಂದು ಬೇಸರ ವ್ಯಕ್ತಪಡಿಸಿದ್ದಾಳೆ.
ಆದರೆ, ಈ ವಿಡಿಯೋ ಹಂಚಿಕೊಂಡಿದ್ದಕ್ಕಾಗಿ ಯುವತಿಯ ರೆಡ್ಡಿಟ್ ಖಾತೆ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ. ಈ ಕುರಿತು ಆತಂಕ ವ್ಯಕ್ತಪಡಿಸಿದ ಅವರು, “ನನಗೆ ಈಗಾಗಿ ಇನ್ನಷ್ಟು ಭಯವಾಗಿದೆ. ನನ್ನ ಸುರಕ್ಷತೆಯ ಬಗ್ಗೆ ಆತಂಕವಿದೆ” ಎಂದು ಮತ್ತೊಮ್ಮೆ ಹೇಳಿದ್ದಾರೆ.
ಈ ಪೋಸ್ಟ್ ವೈರಲ್ ಆದ ನಂತರ ಹಲವರು ಯುವತಿಗೆ ಧೈರ್ಯ ತುಂಬಿದ್ದಾರೆ. ಕೆಲವರು, “ಈತನ ಫೋಟೋಗಳನ್ನು ಕುಟುಂಬ ಸದಸ್ಯರು ಹಾಗೂ ಮಾಧ್ಯಮಗಳಿಗೆ ಕಳುಹಿಸಿ, ಪೊಲೀಸರಿಗೆ ದೂರು ನೀಡಿ, ಕಾನೂನು ಕ್ರಮಕ್ಕೆ ಮುಂದಾಗು” ಎಂದು ಸಲಹೆ ನೀಡಿದ್ದಾರೆ. ಇನ್ನು ಕೆಲವರು ನೇರವಾಗಿ ಎಫ್ಐಆರ್ ದಾಖಲಿಸಲು ಪ್ರೋತ್ಸಾಹಿಸಿದ್ದಾರೆ.
ಈ ಘಟನೆಯು ಎಲ್ಲಿ ನಡೆದಿದೆ, ಯುವತಿ ಯಾರು ಎಂಬ ಬಗ್ಗೆ ಸ್ಪಷ್ಟ ಮಾಹಿತಿ ಲಭ್ಯವಿಲ್ಲ. ಆದರೆ ಈ ಘಟನೆ ಮಹಿಳೆಯರ ವಿರುದ್ಧ ನಡೆಯುತ್ತಿರುವ ಲೈಂಗಿಕ ಕಿರುಕುಳದ ಬೆನ್ನಟ್ಟಿದ ಮತ್ತೊಂದು ಉದಾಹರಣೆಯಾಗಿ ನೆಟ್ಟಿಗರಲ್ಲಿ ಚರ್ಚೆಗೆ ಗ್ರಾಸವಾಗಿದೆ.
