ಗ್ರಾಮ ಪಂಚಾಯಿತಿ ನಿರ್ಲಕ್ಷ್ಯ; ಬೇಸತ್ತು ಚರಂಡಿ ಸ್ವಚ್ಛಗೊಳಿಸಿದ ಮಹಿಳೆ.

ಕೊಟ್ಟೂರು:- ತಾಲ್ಲೂಕಿನ ಕೆ. ಅಯ್ಯನಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಬರುವ ಹರಾಳು ಗ್ರಾಮದ ದುಮ್ಮಾಡಿ ಕೆಂಚಮ್ಮ ಎಂಬ ಮಹಿಳೆಯೋರ್ವರು ತಮ್ಮ ಮನೆಯ ಮುಂಭಾಗದ ಮುಖ್ಯ ಚರಂಡಿ ಕಾಲುವೆಯನ್ನು ತಾವೇ ಸ್ವಚ್ಛಗೊಳಿಸಿ, ಎಲ್ಲರಿಗೂ ಮಾದರಿಯಾಗಿದ್ದಾರೆ.
ಇಲ್ಲಿಯವರೆಗೂ ಈ ಕಡೆ ವೈಜ್ಞಾನಿಕ ಚರಂಡಿ ಕಾಲುವೆಯೂ ನಿರ್ಮಾಣವಾಗದೇ, ಆ ಕಡೆ ಕಾಂಕ್ರೀಟ್ ರಸ್ತೆಯೂ ಮಂಜೂರುವಾಗದೇ ಹಲವಾರು ವರ್ಷಗಳಿಂದ ಸಂಪೂರ್ಣವಾಗಿ ನಿರ್ಲಕ್ಷ್ಯಕ್ಕೊಳಕ್ಕಾಗಿರುವುದು ಇದೀಗ ವೈರಲ್ ಆಗಿದೆ.

ಯಾವುದೇ ಅವಧಿಯ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾಗಲೀ ಅಥವಾ ಸದಸ್ಯರಾಗಲೀ, ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಗಳಾಗಲೀ, ಜನಪ್ರತಿನಿಧಿಗಳಾಗಲೀ ಯಾರೂ ಕ್ರಮ ಕೈಗೊಳ್ಳದೇ, ಸಂಪೂರ್ಣವಾಗಿ ನಿರ್ಲಕ್ಷ್ಯ ತೋರಿದ್ದಾರೆ.
ಊರಿನ ಅರ್ಧಭಾಗದಷ್ಟು ಚರಂಡಿ ನೀರು ಹರಿದು ಇಲ್ಲಿಗೆ ಬಂದು ಸೇರುತ್ತದೆ. ರಸ್ತೆಯಲ್ಲದ ಈ ಚರಂಡಿ ನೀರಿನಲ್ಲೇ ಸ್ಥಳೀಯರು, ಹೊಲಕ್ಕೆ ಹೋಗುವವರು, ಬಯಲು ಶೌಚಕ್ಕೆ ತೆರಳುವವರು, ಪ್ರತಿ ನಿತ್ಯವೂ ಮೂಗು ಮುಚ್ಚಿಕೊಂಡು, ಶಪಿಸಿಕೊಂಡು ಓಡಾಡುವುದು ಸರ್ವೇಸಾಮಾನ್ಯವಾಗಿದೆ.

ವರದಿ :ಮಣಿಕಂಠ ಬಿ