ಮಹಿಳೆಯನ್ನು ಜೀವಂತ ನುಂಗಿದ ಹೆಬ್ಬಾವು!

ಭಾರಿ ಗಾತ್ರದ ಹೆಬ್ಬಾವು ಒಂದು 54 ವರ್ಷ ಮಹಿಳೆಯೊಬ್ಬಳನ್ನು ಜೀವಂತವಾಗಿ ನುಂಗಿರುವ ಭಯಾನಕ ಘಟನೆ ಇಂಡೋನೇಷ್ಯಾದಲ್ಲಿ ನಡೆದಿರುವುದಾಗಿ ಮಂಗಳವಾರ ವರದಿಯಾಗಿದೆ.
ಮೃತ ಮಹಿಳೆಯನ್ನು ಜಹ್ರಾಹ್ (54) ಎಂದು ಗುರುತಿಸಲಾಗಿದೆ.
ತೋಟದಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆ ನಾಪತ್ತೆಯಾದಾಗ, ಆಕೆಯನ್ನು ಕುಟುಂಬಸ್ಥರು ಹುಡುಕಲು ಮುಂದಾದಾಗ ಈ ಪ್ರಕರಣ ಬೆಳಕಿಗೆ ಬಂದಿದೆ.
ಮೃತ ಜಹ್ರಾಹ್ ಶುಕ್ರವಾರ ಜಾಂಬಿ ಪ್ರಾಂತ್ಯದ ತೋಟದಲ್ಲಿ ರಬ್ಬರ್​ ಸಂಗ್ರಹಿಸುವಾಗ ನಾಪತ್ತೆಯಾಗಿದ್ದರು. ತುಂಬಾ ಹೊತ್ತಾದರೂ ಜಹ್ರಾಹ್ ಮನೆಗೆ ಬಾರದಿದ್ದಾಗ, ಚಿಂತೆಗೀಡಾದ ಕುಟುಂಬ, ಹುಡುಕಲು ಮುಂದಾದರು. ಎರಡು ದಿನಗಳ ಬಳಿಕ ಅವರ ಕಣ್ಣಿಗೆ ಹೊಟ್ಟೆ 22 ಅಡಿ ಉದ್ದದ ಒಂದು ಬೃಹತ್​ ಹೆಬ್ಬಾವು ಕಣ್ಣಿಗೆ ಬಿದ್ದಿತು. ಗಾಬರಿಗೊಂಡ ಸ್ಥಳೀಯರು ಅದರ ಹೊಟ್ಟೆಯಲ್ಲಿ ದೊಡ್ಡ ಉಬ್ಬುವಿಕೆಯನ್ನು ಗಮನಿಸಿದರು ಮತ್ತು ಹೊಟ್ಟೆಯನ್ನು ಸೀಳಿದಾಗ ಒಳಗೆ ಜಹ್ರಾಹ್​ ಮೃತದೇಹ ಪತ್ತೆಯಾಗಿದೆ.
ಇದಾದ ಬಳಿಕ ಆಕ್ರೋಶಗೊಂಡ ಸ್ಥಳೀಯರು ಹೆಬ್ಬಾವಿನ ದೇಹವನ್ನು ತುಂಡು ತುಂಡಾಗಿ ಕತ್ತರಿಸಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.