ಬೆಂಗಳೂರು ನಗರದ ವಿದ್ಯಾರಣ್ಯಪುರದ ಬಳಿ ಬಿಎಂಟಿಸಿ ಬಸ್ನಲ್ಲಿ ನಡೆದ ಲೈಂಗಿಕ ಕಿರುಕುಳದ ಘಟನೆ ವಿಡಿಯೋ ವೈರಲ್ ಆಗಿದ್ದು, ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.
ಮಹಿಳೆಯೊಬ್ಬರು ಬಿಎಂಟಿಸಿ ಬಸ್ನಲ್ಲಿ ಮೊಬೈಲ್ನಲ್ಲಿ ತೊಡಗಿಕೊಂಡು ಇದ್ದಾಗ, ಹಿಂದಿನಿಂದ ಆಸನದಲ್ಲಿ ಕೂತಿದ್ದ ವೃದ್ಧ ವ್ಯಕ್ತಿಯೊಬ್ಬರು ಆಕೆಯ ದೇಹವನ್ನು ಅನಾಚಾರವಾಗಿ ಸ್ಪರ್ಶಿಸಿದ್ದಾರೆ. ಈ ನಡೆಗೆ ಕೋಪಗೊಂಡ ಮಹಿಳೆ ತಕ್ಷಣ ಪ್ರತಿಕ್ರಿಯಿಸಿ, ಆ ವ್ಯಕ್ತಿಗೆ ಪಾಠ ಕಲಿಸಿದ್ದಾರೆ.
“ಏಕೆ ಹೊಡಿದೇ?” ಎಂದು ಕೇಳಿದ ವೃದ್ಧನಿಗೆ, ಮಹಿಳೆ “ಹೆಣ್ಣು ಮಕ್ಕಳ ಮೈ ಮುಟ್ಟುತ್ತಿಯಾ?” ಎಂದು ತೀವ್ರವಾಗಿ ಪ್ರಶ್ನಿಸಿದ್ದು, ನಂತರ ತಲೆ ಮೇಲೆ ಹೊಡೆದು ತಗ್ಗಿಸಲಾರದ ರೀತಿ ಖಂಡಿಸಿದ್ದಾರೆ.
ಈ ಎಲ್ಲ ಘಟನೆ ಬಸ್ನಲ್ಲಿದ್ದವರಿಗೆ ಆಘಾತ ಉಂಟುಮಾಡಿದ್ದು, ವೃದ್ಧ ತಕ್ಷಣ ಬಸ್ನಿಂದ ಇಳಿದು ಹೋಗಿದ್ದಾರೆ. ಈ ಘಟನೆಗೆ ಸಂಬಂಧಿಸಿದ ವಿಡಿಯೋ ವೇಗವಾಗಿ ಹರಡುತ್ತಿದ್ದು, ಹಲವರು ಆ ವ್ಯಕ್ತಿಗೆ ಕಠಿಣ ಶಿಕ್ಷೆ ವಿಧಿಸಬೇಕು ಎಂದು ಆಗ್ರಹಿಸಿದ್ದಾರೆ.
ಅಂತಹ ವ್ಯಕ್ತಿಗಳನ್ನು ತಕ್ಷಣವೇ ಗಂಭೀರವಾಗಿ ಪರಿಗಣಿಸಿ ಕ್ರಮಕೈಗೊಳ್ಳಬೇಕೆಂದು ಸಾರ್ವಜನಿಕರು ಅಧಿಕಾರಿಗಳತ್ತ ಮನವಿ ಸಲ್ಲಿಸುತ್ತಿದ್ದಾರೆ. ಈ ಘಟನೆ ಪುನಃ ಒಂದು ಬಾರಿ ಮಹಿಳಾ ಭದ್ರತೆ ಕುರಿತು ಪ್ರಸ್ತಾಪವನ್ನು ಮುಂದಕ್ಕೇಳಿದೆ.
