ಗದಗ ಜಿಲ್ಲೆ ಗಜೇಂದ್ರಗಡದ ಬಣಗಾರ ಕಾಲೋನಿಯಲ್ಲಿ 9ನೇ ತರಗತಿ ವಿದ್ಯಾರ್ಥಿನಿ ಖುಷಿ (15) ಅಪ್ರಾಪ್ತ ಬಾಲಕರ ಕಿರುಕುಳಕ್ಕೆ ತಾಳಲಾರದೆ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಸಂಭವಿಸಿದೆ. ಕನಸುಗಳ ಜೊತೆ ಬಾಳನ್ನು ಕಟ್ಟಿಕೊಳ್ಳಲು ಬಯಸಿದ್ದ ಈ ಬಾಲಕಿ, ಈ ಘಟನೆಯಿಂದ ಕಣ್ಣೀರಿನ ಕರಾಳ ಅರ್ಥಕತೆ ಬರೆದಿದ್ದಾರೆ.
ಘಟನೆ ವಿವರ:
ಅಪ್ರಾಪ್ತ ಬಾಲಕರ ಕಿರುಕುಳದಿಂದ ಬೇಸತ್ತು, ಮನೆಯಲ್ಲಿಯೇ ಯಾರು ಇಲ್ಲದ ವೇಳೆ ಖುಷಿ ನೇಣು ಹಾಕಿಕೊಂಡಿದ್ದಾಳೆ. ಶಾಲೆಯಲ್ಲಿ ಇಬ್ಬರು ಬಾಲಕರಿಂದ ಮಾನಸಿಕ ಕಿರುಕುಳ ಅನುಭವಿಸುತ್ತಿದ್ದರೆಂದು ಬಾಲಕಿಯ ಕುಟುಂಬ ಆರೋಪಿಸಿದೆ. ಮಗಳ ಈ ದುಃಖದ ಅಂತ್ಯದಿಂದ ಕುಟುಂಬದವರು ಆಕ್ರಂದಿಸುತ್ತಿದ್ದಾರೆ.
ಸಮಾಜದ ಆಕ್ರೋಶ:
ಬಾಲಕಿಯ ಸಾವಿನ ಕುರಿತು ಲವ್ ಜಿಹಾದ್ ಶಂಕೆ ವ್ಯಕ್ತವಾಗಿದ್ದು, ಕೆಲ ಸಮುದಾಯ ವ್ಯಾಪಕ ಪ್ರತಿಭಟನೆಗೆ ಕೈಹಾಕಿದೆ. ವ್ಯಾಪಾರ ವಹಿವಾಟು ಬಂದ್ ಮಾಡುವ ಮೂಲಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಬಾಲಕಿಯ ಸಾವಿನ ಹಿಂದೆ ಲವ್ ಜಿಹಾದ್ ಸಂಚು ಇದೆ ಎಂಬ ಶಂಕೆ ಹೊರ ಹಾಕಲಾಗಿದ್ದು, ಸರಿಯಾದ ತನಿಖೆ ನಡೆಸಬೇಕೆಂದು ತಹಶೀಲ್ದಾರರಿಗೆ ಆಗ್ರಹಿಸಲಾಗಿದೆ.
ಕಾನೂನು ಕ್ರಮ:
ಗಜೇಂದ್ರಗಡ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದು, ಘಟನೆಗೆ ಕಾರಣವಾದ ಬಾಲಕರ ವಿರುದ್ಧ ಕ್ರಮ ಕೈಗೊಳ್ಳಲು ಮುಂದಾಗಿದ್ದಾರೆ. ಇದರಿಂದ ಬಾಲಕಿಯ ಕುಟುಂಬ ಮತ್ತು ಸ್ಥಳೀಯ ಸಮುದಾಯ ನ್ಯಾಯಕ್ಕಾಗಿ ಕಾಯುತ್ತಿದ್ದಾರೆ.
