ಕೆಜಿಎಫ್ (ಕೋಲಾರ ಜಿಲ್ಲೆ): ಬೆಳಗಿನ ಜಾವ ವಿದ್ಯಾಭ್ಯಾಸಕ್ಕಾಗಿ ಶಾಲೆಗೆ ಕಾಲಿಟ್ಟ ಮಕ್ಕಳು… ಆದರೆ ಕೈಯಲ್ಲಿ ಪುಸ್ತಕವಲ್ಲ, ಬದಲಿಗೆ ಸ್ವಚ್ಛತಾ ಸಾಮಗ್ರಿಗಳು! ಇದೇ ತೃಪ್ತಿದಾಯಕವಾಗಿ ಕಾಣದ ಘಟನೆ ನಡೆದಿದೆ ಕೆಜಿಎಫ್ ನಗರದ ರಾಬರ್ಟ್ಸನ್ ಪೇಟೆಯ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ.
ಬೇಸಿಗೆ ರಜೆಯ ಬಳಿಕ ಪುನರಾರಂಭವಾದ ಶಾಲೆಯಲ್ಲಿನ ಕೊಠಡಿಗಳು ಧೂಳು ಹಾಗೂ ಮಣ್ಣಿನಿಂದ ಕಲುಷಿತವಾಗಿದ್ದ ಹಿನ್ನೆಲೆಯಲ್ಲಿ, ಶಿಕ್ಷಕರು ಮತ್ತು ಸಿಬ್ಬಂದಿ ಮಕ್ಕಳನ್ನೇ ಬಳಸಿಕೊಂಡು ಶಾಲೆಯ ಆವರಣ ಹಾಗೂ ತರಗತಿ ಕೋಣೆಗಳನ್ನು ಸ್ವಚ್ಛಗೊಳಿಸುವಂತೆ ಮಾಡಿದರು. ಶಿಕ್ಷಕರು ನೀಡಿದ ಈ ಆದೇಶಕ್ಕೆ ಮಕ್ಕಳಿಗಾದರೆ ಇನ್ನೊಂದು ಬಗೆಯ ಪಾಠವೇ ದೊರಕಿತು – ಆದರೆ ಅದು ಪಠ್ಯಕ್ರಮದ ಭಾಗವಾಗಿರಲಿಲ್ಲ.
ಈ ಸರ್ಕಾರಿ ಶಾಲೆಯು ನೇರವಾಗಿ (BEO) ಕಛೇರಿಗೆ ಹೊಂದಿಕೊಂಡಿದೆ ಎಂಬುದು ಗಮನಾರ್ಹ. ಇಂತಹ ಘಟನೆಯು ಅಧಿಕಾರಿಗಳ ಕಣ್ಣಿಗೆ ಬೀಳದಿರುವುದು ಪ್ರಶ್ನೆಯಾದರೆ, ಗಮನಾರ್ಹ ವ್ಯಂಗ್ಯವೊಂದೂ ಹೌದು.
ಈ ವಿಷಯ ಬೆಳಕಿಗೆ ಬಂದ ಬಳಿಕ, ಶಾಲೆಯ ಶಿಕ್ಷಕರ ಈ ನಡೆಗೆ ಹಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಮಕ್ಕಳು ಶಾಲೆಗೆ ಶಿಕ್ಷಣ ಪಡೆಯಲು ಬರುತ್ತಾರೆ, ಶ್ರಮಿಕರಂತೆ ಕೆಲಸಕ್ಕೆ ಅಲ್ಲ ಎಂಬ ಪೋಷಕರ ಗುಡುಗು ಇಡೀ ಶಿಕ್ಷಣ ವ್ಯವಸ್ಥೆಯ ಮೇಲೆಯೇ ಪ್ರಶ್ನೆಯನ್ನೆತ್ತಿದೆ.
ಹಳೆಯ ಕಾಲದ “ಶ್ರಮದಾನ” ಪದವನ್ನು ನೆನಪಿಸುವಂತಿದ್ದರೂ, ಮಕ್ಕಳ ಅನುಮತಿಯಿಲ್ಲದೆ ಅಥವಾ ಶಾರೀರಿಕ ಶ್ರಮಕ್ಕೆ ಅವರು ನಿರ್ಬಂಧಿತರಾಗಿರಬೇಕಾದ ವಯಸ್ಸಿನಲ್ಲಿ ಈ ರೀತಿ ಕಾರ್ಯನಿರ್ವಹಿಸುತ್ತಿರುವ ಶಿಕ್ಷಕರ ನಡೆಗೆ ಕಾನೂನು ಕ್ರಮದ ಅಗತ್ಯವಿದೆ ಎಂಬ ಕೂಗು ಕೇಳಿಬರುತ್ತಿದೆ. ವರದಿ: ರೋಶನ್ ಜಮೀರ್
ಮಕ್ಕಳು ಅವರ ಜಾಗ ಸ್ವಚ್ಛಮಾಡಿಕೊಳ್ಳಲಿ ತಪ್ಪೇನಿದೆ ಮಕ್ಕಳಿಗೂ ಶುಚಿತ್ವ ಭಾವನೆ, ಮೌಲ್ಯ ತಿಳಿಯುತ್ತದೆ…. ಸ್ವಚ್ಛ ಮಾಡುವುದು, ಪ್ರತಿದಿನ ಶಾಲೆಯ ಅಂಗಣ ಸ್ವಚ್ಛ ಮಾಡಿಕೊಳ್ಳುವುದರಿಂದ ಮಕ್ಕಳಿಗೆ ಒಳ್ಳೆಯದು….