ಕಿರುತೆರೆ ನಟಿ ಗೌತಮಿ ಕಪೂರ್ ಹೇಳಿಕೆ ವೈರಲ್ : ಮಗಳ ಹುಟ್ಟುಹಬ್ಬಕ್ಕೆ ಲೈಂಗಿಕ ಆಟಿಕೆ ಉಡುಗೊರೆ ನೀಡುವ ವಿಚಾರ ಚರ್ಚೆಗೆ ಕಾರಣ

ಮುಂಬೈ: ಜನಪ್ರಿಯ ಕಿರುತೆರೆ ಮತ್ತು ಚಿತ್ರ ನಟಿ ಗೌತಮಿ ಕಪೂರ್ ಅವರ ಹಳೆಯ ಸಂದರ್ಶನದ ಒಂದು ಭಾಗ ಮತ್ತೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ, ಭಾರೀ ಚರ್ಚೆಗೆ ಕಾರಣವಾಗಿದೆ.

ʼಪರ್ವರಿಶ್ 2ʼ, ʼಖೇಲ್ತಿ ಹೇ ಜಿಂದಿಗಿ ಅಂಕ್ಮಿಚೋಲಿʼ, ʼಕ್ಯುಂಕಿ ಸಾಸ್ ಭೀ ಕಭಿ ಬಹು ಥಿʼ ಸೇರಿದಂತೆ ಅನೇಕ ಟಿವಿ ಧಾರಾವಾಹಿಗಳಲ್ಲಿ ಹಾಗೂ ʼಫಾನʼ, ʼಸ್ಟೂಡೆಂಟ್ ಆಫ್ ದಿ ಇಯರ್ʼ ಮುಂತಾದ ಚಿತ್ರಗಳಲ್ಲಿ ನಟಿಸಿರುವ ಗೌತಮಿ, ತಮ್ಮ ಮಗಳ 16ನೇ ಜನ್ಮದಿನದ ಸಂದರ್ಭದಲ್ಲಿ ಲೈಂಗಿಕ ಆಟಿಕೆ (Sex Toy) ಉಡುಗೊರೆಯಾಗಿ ನೀಡುವ ಬಗ್ಗೆ ಯೋಚಿಸಿದ್ದಾಗಿ ಹೇಳಿಕೊಂಡಿದ್ದರು.

ಸಂದರ್ಶನದಲ್ಲಿ ಮಾತನಾಡಿದ ಗೌತಮಿ, “ಭಾರತೀಯ ಪೋಷಕರು ತಮ್ಮ ಮಕ್ಕಳೊಂದಿಗೆ ಲೈಂಗಿಕ ವಿಚಾರಗಳ ಬಗ್ಗೆ ನೇರವಾಗಿ ಮಾತನಾಡುವುದಕ್ಕೆ ಹಿಂಜರಿಯುತ್ತಾರೆ. ಆದರೆ ನಾನು ನನ್ನ ಮಗಳೊಂದಿಗೆ ಈ ವಿಷಯದ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದೇನೆ” ಎಂದು ಹೇಳಿದ್ದರು.

ಹಳೆಯ ವಿಡಿಯೋ ಮರುಪ್ರಚುರಣೆಯಾದ ನಂತರ, ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಪ್ರಾಯ ವಿಭಜನೆ ಕಂಡುಬಂದಿದೆ. ಕೆಲವರು ನಟಿಯ ಮುಕ್ತ ಅಭಿಪ್ರಾಯವನ್ನು ಮೆಚ್ಚಿಕೊಂಡರೆ, ಇನ್ನು ಕೆಲವರು ಕಟುವಾಗಿ ಟೀಕಿಸಿದ್ದಾರೆ.

ಈ ಹೇಳಿಕೆ ಪೋಷಕತ್ವ, ಸಂಸ್ಕೃತಿ ಹಾಗೂ ಲೈಂಗಿಕ ಶಿಕ್ಷಣದ ಬಗ್ಗೆ ಹೊಸ ಚರ್ಚೆಗೆ ದಾರಿ ಮಾಡಿಕೊಟ್ಟಿದೆ.