ಶಿಕ್ಷಕಿಯ ನಿರ್ಲಕ್ಷ್ಯದಿಂದ ಕಣ್ಣು ಕಳೆದುಕೊಂಡ ವಿದ್ಯಾರ್ಥಿ : ನ್ಯಾಯಕ್ಕಾಗಿ ಪೋಷಕರ ಪ್ರತಿಭಟನೆ

ಚಿಂತಾಮಣಿ, ಏಪ್ರಿಲ್ 4: ಚಿಂತಾಮಣಿ ನಗರದ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿ ಮುಂಭಾಗ ಶುಕ್ರವಾರ ನಡೆದ ಘಟನೆಯು ಆತಂಕ ಹುಟ್ಟಿಸಿದೆ. ಶಾಲಾ ಶಿಕ್ಷಕಿಯ ನಿರ್ಲಕ್ಷ್ಯದಿಂದ ಓಂದನೇ ತರಗತಿಯ ವಿದ್ಯಾರ್ಥಿಯೊಬ್ಬ ತನ್ನ ಕಣ್ಣಿನ ಬೆಳಕನ್ನು ಕಳೆದುಕೊಂಡಿರುವ ಘಟನೆ ಪೋಷಕರ ಆಕ್ರೋಶಕ್ಕೆ ಕಾರಣವಾಗಿದೆ.ಶಿಕ್ಷಕಿಯ ನಿರ್ಲಕ್ಷ್ಯದಿಂದ ವಿದ್ಯಾರ್ಥಿ ಕಣ್ಣು ಕಳೆದುಕೊಂಡ ದುರ್ಘಟನೆ:

ಅಪಘಾತದ ಹಿನ್ನೆಲೆ:
ಚಿಂತಾಮಣಿ ತಾಲ್ಲೂಕಿನ ಮುರುಗಮಲ್ಲ ಹೋಬಳಿಯ ಯಗವಕೋಟೆ ಗ್ರಾಮದ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ವಿದ್ಯಾರ್ಥಿಯಾಗಿದ್ದ 8 ವರ್ಷದ ಯಶ್ವಂತ್ ತನ್ನ ದಿನನಿತ್ಯದ ಪಾಠವಾಡುತ್ತಿದ್ದ. ಆದರೆ, ಅವನ ಜೀವನದಲ್ಲಿ ತಿರುವು ತಂದ ದುರ್ಘಟನೆ ಘಟಿಸಿತು.

ಶಿಕ್ಷಕಿ ಸರಸ್ವತಿ, ಶಿಸ್ತಿಗಾಗಿ ಬೇರೆ ವಿದ್ಯಾರ್ಥಿಯನ್ನು ಹೊಡೆಯಲು ಹೋಗಿ ತಿರುಗದ ಕೂಲಿನಿಂದ ಯಶ್ವಂತ್ ಅವರ ಕಣ್ಣಿಗೆ ತೀವ್ರವಾಗಿ ಪೆಟ್ಟಾಗಿ, ಪರಿಣಾಮವಾಗಿ ಅವನ ಬಲ ಕಣ್ಣು ಗಂಭೀರ ಹಾನಿಗೊಳಗಾಯಿತು. ತಕ್ಷಣವೇ ಪೋಷಕರು ವೈದ್ಯಕೀಯ ಚಿಕಿತ್ಸೆಗಾಗಿ ಕಣ್ಣಿನ ಆಸ್ಪತ್ರೆಗೆ ಕರೆದೊಯ್ದರೂ, ತಜ್ಞ ವೈದ್ಯರು, ಬಾಲಕನ ಕಣ್ಣು ನಷ್ಟವಾಗಿರುವುದಾಗಿ ದೃಢಪಡಿಸಿದರು.

ನ್ಯಾಯಕ್ಕಾಗಿ ಪೋಷಕರ ಹೋರಾಟ:
ಈ ದುರ್ಘಟನೆಗೆ ಶಿಕ್ಷಕಿಯ ನಿರ್ಲಕ್ಷ್ಯವೇ ಕಾರಣ ಎಂದು ಪೋಷಕರು ಪೊಲೀಸ್ ಠಾಣೆ ಹಾಗೂ ಕ್ಷೇತ್ರ ಶಿಕ್ಷಣಾಧಿಕಾರಿಗಳಿಗೆ ದೂರು ಸಲ್ಲಿಸಿದರು. ಆದರೆ, ಯಾವುದೇ ಕ್ರಮ ಕೈಗೊಳ್ಳದ ಕಾರಣ, ಬಾಲಕ ಯಶ್ವಂತ್ ಹಾಗೂ ಅವರ ಪೋಷಕರು ನ್ಯಾಯಕ್ಕಾಗಿ ಶಿಕ್ಷಣಾಧಿಕಾರಿಗಳ ಕಚೇರಿ ಮುಂದೆ ಧರಣಿ ನಡೆಸಿದರು.

“ನಮ್ಮ ಮಗನ ಭವಿಷ್ಯ ಕತ್ತಲಾಯಿತು. ಶಿಕ್ಷಕಿಯ ವಿರುದ್ಧ ಕಠಿಣ ಕ್ರಮ ಜರುಗಿಸುವವರೆಗೂ ನಾವು ಹೋರಾಟವನ್ನು ಮುಂದುವರಿಸುತ್ತೇವೆ,” ಎಂದು ಪೋಷಕರು ಮನವಿ ಮಾಡಿದರು.

ಈ ಕುರಿತು ಸಂಬಂಧಿತ ಇಲಾಖೆ ಕ್ರಮ ಕೈಗೊಳ್ಳುತ್ತದೆಯೇ ಎಂಬುದು ಕಾಯಬೇಕಾಗಿದೆ.