ಬೆಳಗಾವಿ (ಜು.11): ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳ ಬಳಕೆ ಅಪಪ್ರಯೋಗವಾಗುತ್ತಿರುವ ಸಮಯದಲ್ಲಿ, ಬೆಳ್ಳಗಿ ಮೂಲದ ಹಾಸ್ಯನಟ ಸಂಜು ಬಸಯ್ಯ ಸಮಾಜಮುಖಿಯಾದ ನಡೆ ಮೂಲಕ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ತಮ್ಮ ಪತ್ನಿಗೆ ಇನ್‌ಸ್ಟಾಗ್ರಾಂ ಮೂಲಕ ಅಶ್ಲೀಲ ಸಂದೇಶ ಕಳುಹಿಸಿದ್ದ ಕಾಲೇಜು ಯುವಕನಿಗೆ ಕೋಪಗೊಳ್ಳದೆ, ಸಂಯಮದಿಂದ ಬುದ್ಧಿವಾದ ಮಾಡಿ ಸಮಾಜದ ಮುಂದೆ ನಿಲ್ಲಬೇಕಾದ ಮಾದರಿ ವ್ಯಕ್ತಿಯಾಗಿ ಗುರುತಿಸಿಕೊಂಡಿದ್ದಾರೆ.
ಸಂಜು ಬಸಯ್ಯ ಅವರ ಪತ್ನಿ ಪಲ್ಲವಿ ಅವರಿಗೆ ಇನ್‌ಸ್ಟಾಗ್ರಾಂನಲ್ಲಿ ಅಸಭ್ಯ ಸಂದೇಶ ಹಾಗೂ ಅಶ್ಲೀಲ ಫೋಟೋ ಕಳುಹಿಸುತ್ತಿದ್ದ ಯುವಕನ ಕೃತ್ಯವನ್ನು ಮನಗಂಡ ಸಂಜು, ಪ್ರಥಮದಲ್ಲೇ ಪೊಲೀಸರಿಗೆ ದೂರು ಸಲ್ಲಿಸಿದರು. ಆದರೆ ಆರೋಪಿ ಕಾಲೇಜು ವಿದ್ಯಾರ್ಥಿಯಾಗಿರುವುದರಿಂದ ಅವನ ಭವಿಷ್ಯ ಹಾಳಾಗಬಾರದೆಂಬ ದೃಷ್ಠಿಯಿಂದ, ಅಧಿಕಾರಿಗಳಿಗೆ ಯುವಕನಿಗೆ ಬುದ್ಧಿವಾದ ನೀಡಿ ಬಿಟ್ಟುಕೊಡಲು ಮನವಿ ಮಾಡಿದರು.
ಪೊಲೀಸರು ಯುವಕನನ್ನು ಠಾಣೆಗೆ ಕರೆತರಿದಾಗ, ಸಂಜು ಬಸಯ್ಯ ಆತನೊಂದಿಗೆ ಕೋಪದಿಂದ ಅಲ್ಲದೇ ಶಾಂತಿಯುತವಾಗಿ ಮಾತನಾಡಿ, ಸಮಾಜದಲ್ಲಿ ಮಹಿಳೆಯರ ಗೌರವವನ್ನು ಕಾಪಾಡುವ ಮಹತ್ವವನ್ನು ವಿವರಿಸಿ ಬುದ್ಧಿವಾದ ನೀಡಿದರು. ನಂತರ ಯುವಕನನ್ನು ನ್ಯಾಯಪಾಲನೆಯ ನೆಲೆಯಲ್ಲಿ ಬಿಡಿಸುವಂತೆ ಮನವಿ ಮಾಡಿದರು.
ಈ ಘಟನೆ ಮಾಧ್ಯಮಗಳಲ್ಲಿ ಬೆಳಕು ಕಂಡ ನಂತರ, ಹಲವರು ಸಂಜು ಬಸಯ್ಯ ಅವರ ಮಾನವೀಯತೆ ಹಾಗೂ ಶಾಂತಿಯುತ ಪರಿಹಾರದ ಶೈಲಿಯನ್ನು ಶ್ಲಾಘಿಸಿದ್ದಾರೆ.
ಇದೇ ಸಂದರ್ಭದಲ್ಲಿ ನಟ ದರ್ಶನ್ ವಿರುದ್ಧ ಉಂಟಾದ ರೇಣುಕಾಸ್ವಾಮಿ ಹತ್ಯೆ ಪ್ರಕರಣ, ಅಶ್ಲೀಲ ಸಂದೇಶ ವಿಚಾರವಾಗಿ ಹೇಗೆ ಹಿಂಸಾತ್ಮಕ ಬೆಳವಣಿಗೆಗೆ ಕಾರಣವಾಯಿತು ಎಂಬುದು ಇನ್ನೊಂದು ತೀವ್ರ ಪ್ರಸ್ತಾಪಿತ ವಿಷಯ. ಅಂತಹ ಸಂದರ್ಭದಲ್ಲಿ ಸಂಜು ಬಸಯ್ಯ ಅವರ ಶಾಂತಿಯುತ ಪರಿಹಾರ ಕ್ರಮ ಇತರರಿಗೆ ಪ್ರೇರಣೆಯಾಗಬೇಕಾದ ಉದಾಹರಣೆ.
ಈ ಕುರಿತು ಮಾತನಾಡಿದ ಸಂಜು ಬಸಯ್ಯ, “ಆತ ವಿದ್ಯಾರ್ಥಿ. ಅವನು ತಪ್ಪು ಮಾಡಿದರೂ, ಅವನ ಭವಿಷ್ಯವನ್ನು ಹಾಳು ಮಾಡದೆ ಬುದ್ಧಿವಾದ ನೀಡಿದರೆ ಮಾತ್ರ ನಾವು ನಿಜವಾದ ನಾಗರಿಕರೆಂಬುದಕ್ಕೆ ಸಾಕ್ಷಿ ನೀಡಬಹುದು” ಎಂದು ಹೇಳಿದರು.
ಈ ಘಟನೆಯಿಂದ, ಸಾಮಾಜಿಕ ಜಾಲತಾಣಗಳ ಜವಾಬ್ದಾರಿಯುತ ಬಳಕೆ, ಮಹಿಳೆಯರ ಗೌರವ ಮತ್ತು ಕಾನೂನುಬದ್ಧ ಚಟುವಟಿಕೆಗಳ ಪ್ರಾಮುಖ್ಯತೆ ಬಗ್ಗೆ ಸಕ್ರಿಯ ಚರ್ಚೆ ಆರಂಭವಾಗಿದೆ.
