ಹುಬ್ಬಳ್ಳಿಯಲ್ಲಿ ಇತ್ತೀಚೆಗೆ ಸಂಭವಿಸಿದ ಐದು ವರ್ಷದ ಪುಟ್ಟ ಬಾಲಕಿಯ ಮೇಲಿನ ಅತ್ಯಾಚಾರ ಮತ್ತು ಹತ್ಯೆ ಪ್ರಕರಣವು ರಾಜ್ಯವನ್ನೇ ಬೆಚ್ಚಿಬಿಟ್ಟಿತ್ತು. ಮನೆಯ ಮುಂದೆ ನಿರಭಯವಾಗಿ ಆಟವಾಡುತ್ತಿದ್ದ ಪುಟ್ಟಳನ್ನು ಬಲವಂತವಾಗಿ ಎಳೆದುಕೊಂಡು ಹೋಗಿ ಕ್ರೂರವಾಗಿ ಅತ್ಯಾಚಾರ ನಡೆಸಿ, ಕೊಲೆ ಮಾಡಿದ ಘಟನೆ ಸುತ್ತಮುತ್ತಲವರಿಗೆ ಮಾತ್ರವಲ್ಲದೆ, ಮುಡಿವೊಂದು ಮಾನವೀಯತೆಯ ಮೇಲೆ ಚಿಂತನೆಯನ್ನು ಮೂಡಿಸಿತ್ತು.
ಈ ಹೃದಯವಿದ್ರಾವಕ ಘಟನೆಯ ಆರೋಪಿ ರಿತೇಶ್ ಕುಮಾರ್, ಪೊಲೀಸರು ನಡೆಸಿದ ಎನ್‌ಕೌಂಟರ್‌ನಲ್ಲಿ ಮೃತಪಟ್ಟಿದ್ದ. ಸಾರ್ವಜನಿಕರ ಆಕ್ರೋಶ ಹಾಗೂ ಘಟನೆ ಸಂಬಂಧಿತ ವಿಚಾರಣೆಯ ನಡುವೆ ಆತನ ಶವವು ಅನಾಥವಾಗಿ ಉಳಿದಿತ್ತು. ಯಾವುದೇ ಕುಟುಂಬಸ್ಥರು ಶವವನ್ನು ಸ್ವೀಕರಿಸಲು ಮುಂದಾಗದ ಹಿನ್ನೆಲೆ, ಕೊನೆಗೂ ನ್ಯಾಯಾಲಯದ ಆದೇಶದಂತೆ ರಿತೇಶ್ ಶವದ ಅಂತ್ಯಕ್ರಿಯೆ ನಡೆಸಲಾಯಿತು.
ಮೃತ ದೇಹವನ್ನು ಸುಡುವ ಬದಲು ಮಣ್ಣು ಮಾಡುವಂತೆ ನ್ಯಾಯಾಲಯ ನಿರ್ದೇಶನ ನೀಡಿದ್ದು, ಅದಕ್ಕೆ ಅನುಗುಣವಾಗಿ ಅಂತಿಮ ವಿಧಿವಿಧಾನಗಳನ್ನು ಪೂರೈಸಲಾಯಿತು. ಬಾಲಕಿಯ ಮೇಲೆ ಕ್ರೂರತೆ ಮೆರೆದ ಆಪಾದಿತನು ಕೊನೆಗೂ ಮಣ್ಣಿನಲ್ಲಿ ಲೀನನಾದಂತಾಗಿದೆ. ಈ ಮರಣದೊಂದಿಗೆ ಹುಬ್ಬಳ್ಳಿಯ ಆ ಘಟನೆಯ ಇನ್ನೊಂದು ಅಧ್ಯಾಯ ಮುಕ್ತಾಯಗೊಂಡಿದೆ.
ಈ ಘಟನೆ ರಾಜ್ಯಾದ್ಯಂತ ಆಕ್ರೋಶದ ಬಿಸಿಲನ್ನು ಬೀರಿದ್ದು, ಮಕ್ಕಳ ಸುರಕ್ಷತೆ ಕುರಿತು ಗಂಭೀರ ಚರ್ಚೆ ಮತ್ತು ಕ್ರಮಗಳನ್ನು ತೆಗೆದುಕೊಳ್ಳುವ ಅಗತ್ಯವಿದೆ ಎಂಬ ನಿಟ್ಟಿನಲ್ಲಿ ಸರ್ಕಾರ ಮತ್ತು ನಾಗರಿಕ ಸಮಾಜದ ಗಮನ ಸೆಳೆಯುತ್ತಿದೆ. ವರದಿ: ಶಿವರಾಜ್ ಪಿ.ಆರ್.
