ನರೇಗಾ ಕಾಮಗಾರಿಗೆ ಬಿಲ್ಪ ಪಾಸ್ ಮಾಡಲು 20 ಪರ್ಸೆಂಟ್ ಕಮಿಷನ್ ನೀಡುವಂತೆ ಪಿಡಿಒ ಗುತ್ತಿಗೆದಾರನಿಗೆ ಒತ್ತಾಯಿಸಿರುವ ಅಂತಹ ಆಡಿಯೋ ಒಂದು ಹೊರಬಿದ್ದಿದ್ದು ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ.
ಚನ್ನಪಟ್ಟಣ ತಾಲೂಕಿನ ಬಿ.ವಿ.ಹಳ್ಳಿ ಗ್ರಾ.ಪಂ ಪಿಡಿಒ ಶೋಭಾ ಕಾಮಗಾರಿ ಬಿಲ್ ಪಾಸ್ ಮಾಡಲು 20% ಕಮಿಷನ್ ಕೊಡುವಂತೆ ಕೇಳಿರುವ ಆಡಿಯೋ ವೈರಲ್ ಆಗಿದೆ.
ಕಾಮಗಾರಿ ನಡೆಸಿರುವ ವ್ಯಕ್ತಿ ಹಾಗೂ ಪಿಡಿಓ ಶೋಭಾ ನಡುವಿನ ಸಂಭಾಷಣೆ ಎನ್ನಲಾದ ಆಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆಡಿಯೋದಲ್ಲಿ ಅಧ್ಯಕ್ಷರಿಗೆ, ಇಂಜಿನಿಯರ್, ಇಓ, ಡಿಎಸ್ ಹಾಗೂ ಕಚೇರಿ ಸಿಬ್ಬಂದಿಗೂ ಪರ್ಸೆಂಟೇಜ್ ನೀಡಬೇಕು. ಹಾಗಾಗಿ 20% ಕಮಿಷನ್ ನೀಡುವಂತೆ ಪಿಡಿಓ ಚೌಕಾಸಿ ನಡೆಸಿರುವ ಆಡಿಯೋ ಹೊರ ಬಿದ್ದಿದೆ. ಈ ವಿಚಾರವಾಗಿ ಗ್ರಾಮಸ್ಥರು ತಮ್ಮ ಆಕ್ರೋಶ ಹೊರಹಾಕಿದ್ದು ಅಧಿಕಾರಿಯ ವಿರುದ್ಧ ಕ್ರಮ ಜರುಗಿಸುವಂತೆ ಒತ್ತಾಯಿಸಿದ್ದಾರೆ.
