ಗುರುಗ್ರಾಮ: ಡಿಎಲ್‌ಎಫ್ ಹಂತ-3 ಪ್ರದೇಶದಲ್ಲಿ ಶನಿವಾರ ರಾತ್ರಿ ಲಿವ್-ಇನ್ ಸಂಬಂಧದ ಬಿಕ್ಕಟ್ಟಿನಿಂದ ಒಬ್ಬ ವ್ಯಕ್ತಿಯ ಹತ್ಯೆಯಾಗಿರುವ ಘಟನೆ ಪತ್ತೆಯಾಗಿದೆ. 40 ವರ್ಷದ ಸ್ಕ್ರ್ಯಾಪ್ ವ್ಯಾಪಾರಿ ಹರೀಶ್ ಶರ್ಮಾ ಅವರನ್ನು ಅವರ ಲಿವ್-ಇನ್ ಸಂಗಾತಿ ಯಶ್ಮೀತ್ ಕೌರ್ ಚಾಕುವಿನಿಂದ ಇರಿದು ಕೊಂದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಬಲಿಯಾವಾಸ್ ಗ್ರಾಮದ ನಿವಾಸಿ ಶರ್ಮಾ ಅವರು ಕಳೆದ ಒಂದು ವರ್ಷದಿಂದ 27 ವರ್ಷದ ಯಶ್ಮೀತ್ ಕೌರ್ ಜೊತೆ ಬಾಡಿಗೆ ಫ್ಲಾಟ್‌ನಲ್ಲಿ ಸಹವಾಸ ಮಾಡುತ್ತಿದ್ದರು. ಶರ್ಮಾ ಈಗಾಗಲೇ ಹಿತರಾಗಿದ್ದು, ಅವರ ಪತ್ನಿ ಅನಾರೋಗ್ಯದಿಂದ ಬಳಲುತ್ತಿದ್ದು, ಇಬ್ಬರು ಹೆಣ್ಣುಮಕ್ಕಳ ತಂದೆಯೂ ಹೌದು. ಪತ್ನಿಯ ಸ್ಥಿತಿಯಿಂದಾಗಿ ಅವರು ಕುಟುಂಬದೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದನ್ನು ಯಶ್ಮೀತ್ ಸಹಿಸಿಕೊಳ್ಳಲಾಗಿಲ್ಲ.
ಪೊಲೀಸ್ ಮಾಹಿತಿ ಪ್ರಕಾರ, ಹತ್ಯೆಯ ಹಿಂದಿನ ದಿನ ತಡರಾತ್ರಿ ಶರ್ಮಾ ಅವರು ಪತ್ನಿಯೊಂದಿಗೆ ದೂರವಾಣಿ ಸಂಪರ್ಕದಲ್ಲಿದ್ದ ವೇಳೆ ಇಬ್ಬರ ನಡುವೆ ವಾಗ್ವಾದ ಉಂಟಾಯಿತು. ಜಗಳ ವಿಕೋಪಕ್ಕೆ ತಿರುಗಿ, ಕೋಪಗೊಂಡ ಯಶ್ಮೀತ್ ಕೌರ್ ಅಡಿಗೆ ಚಾಕುವಿನಿಂದ ಶರ್ಮಾ ಅವರ ಎದೆಗೆ ಇರಿದಿದ್ದಾಳೆ.
ರಕ್ತಸ್ರಾವಗೊಂಡ ಶರ್ಮಾವನ್ನು ಸ್ಥಳೀಯ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಅವರು ಮಾರ್ಗ ಮಧ್ಯದಲ್ಲೇ ಮೃತರಾಗಿದ್ದಾರೆ ಎಂದು ವೈದ್ಯರು ಘೋಷಿಸಿದರು.
ಘಟನೆ ಬಳಿಕ ದೆಹಲಿಯ ಅಶೋಕ್ ನಗರ ನಿವಾಸಿ ಯಶ್ಮೀತ್ ಕೌರ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ವಿಚಾರಣೆ ವೇಳೆ ಅವರು ಅಪರಾಧವನ್ನು ಒಪ್ಪಿಕೊಂಡಿದ್ದಾರೆ. ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿರುವ ಪೊಲೀಸರು ಹತ್ಯೆಗೆ ಕಾರಣವಾದ ಸನ್ನಿವೇಶ, ಮತ್ತು ಸಂಬಂಧಗಳ ಗಂಭೀರತೆಯನ್ನು ಪೂರಕವಾಗಿ ತನಿಖೆ ನಡೆಸುತ್ತಿದ್ದಾರೆ.
