ಹಿರಿಯಡಕ: ಮನೆಯಿಂದ ಹೊರಡಿದ ಇಬ್ಬರು ಸಹೋದರಿಯರು ನಾಪತ್ತೆ – ಪೊಲೀಸರಿಗೆ ದೂರು

ಹಿರಿಯಡಕ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ವಾಸಿಸುತ್ತಿದ್ದ ಮಂಜುಳಾ (24) ಮತ್ತು ಮಲ್ಲಿಕಾ (18) ಎಂಬ ಸಹೋದರಿಯರು ಏಪ್ರಿಲ್ 3ರಂದು ತಮ್ಮ ನಿವಾಸದಿಂದ ಹೊರಟ  ವಾಪಸ್ ಬಾರದಿರುವ ಘಟನೆ ನಡೆದಿದೆ. ಈ ಸಂಬಂಧ ಅವರ ಕುಟುಂಬದವರು ಹಿರಿಯಡಕ ಠಾಣೆಗೆ ದೂರು ನೀಡಿದ್ದಾರೆ.

ಮಂಜುಳಾ ಎಣ್ಣೆಗಪ್ಪು ಮೈಬಣ್ಣ ಮತ್ತು ಸಾಧಾರಣ ಶರೀರ ಹೊಂದಿದ್ದು, ಕನ್ನಡ ಹಾಗೂ ತುಳು ಭಾಷೆ ಮಾತನಾಡುತ್ತಾರೆ. ಅವರು ವಿವಾಹಿತೆಯಾಗಿದ್ದು, ಕಳೆದ ಎರಡು ವರ್ಷಗಳಿಂದ ತವರು ಮನೆಯಲ್ಲಿ ವಾಸಿಸುತ್ತಿದ್ದರು.

ಅವರ ಕಿರಿಯ ಸಹೋದರಿ ಮಲ್ಲಿಕಾಕೂ ಸಹ ಎಣ್ಣೆಗಪ್ಪು ಮೈಬಣ್ಣ ಮತ್ತು ಸಾಧಾರಣ ಶರೀರವಿದ್ದು, ಕನ್ನಡ ಮತ್ತು ತುಳು ಭಾಷೆಯಲ್ಲಿ ಮಾತನಾಡುತ್ತಾರೆ.

ಇವರಿಬ್ಬರಿಗೂ ಸಂಬಂಧಿಸಿದ ಯಾವುದೇ ಮಾಹಿತಿ ದೊರೆತಲ್ಲಿ ಹಿರಿಯಡಕ ಪೊಲೀಸ್ ಠಾಣೆಯನ್ನು ತಕ್ಷಣ ಸಂಪರ್ಕಿಸುವಂತೆ ಅಧಿಕಾರಿಗಳು ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ.