ನ್ಯೂ ದೆಹಲಿ: ಪೋರ್ಟುಗೀಸ್‌ ಫುಟ್ಬಾಲ್ ದಂತಕಥೆ ಕ್ರಿಸ್ಟಿಯಾನೊ ರೊನಾಲ್ಡೊ, ತಮ್ಮ ದೀರ್ಘಕಾಲದ ಪ್ರೇಯಸಿ ಜಾರ್ಜಿನಾ ರೊಡ್ರಿಗ್ಸ್‌ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.
ಜಾರ್ಜಿನಾ, ತಮ್ಮ ನಿಶ್ಚಿತಾರ್ಥದ ಸುಂದರ ಕ್ಷಣಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಅದರಲ್ಲಿ ರೊನಾಲ್ಡೊಗೆ ವಿಶೇಷ ಟ್ಯಾಗ್‌ ನೀಡಿದ್ದಾರೆ. ಈ ಚಿತ್ರಗಳು ಅಭಿಮಾನಿಗಳ ನಡುವೆ ತಕ್ಷಣವೇ ವೈರಲ್ ಆಗಿವೆ.
ಸುಮಾರು ಒಂದು ದಶಕಕ್ಕೂ ಹೆಚ್ಚು ಕಾಲ ಪ್ರೀತಿಯಲ್ಲಿ ಬಂಧಿತರಾಗಿರುವ ಈ ಜೋಡಿ, ಈಗಾಗಲೇ ನಾಲ್ಕು ಮಕ್ಕಳ ಪೋಷಕರಾಗಿದ್ದಾರೆ. ಕ್ರೀಡಾ ಲೋಕದ ಅತ್ಯಂತ ಯಶಸ್ವಿ ಆಟಗಾರರಲ್ಲಿ ಒಬ್ಬರಾದ ರೊನಾಲ್ಡೊ, ಫುಟ್ಬಾಲ್ ಇತಿಹಾಸದಲ್ಲಿ 930 ಗೋಲುಗಳ ಸಾಧನೆ ಮಾಡಿದ ಏಕೈಕ ಆಟಗಾರ ಎಂಬ ದಾಖಲೆಯನ್ನೂ ಹೊಂದಿದ್ದಾರೆ.
ಅಭಿಮಾನಿಗಳು ಮತ್ತು ಕ್ರೀಡಾಪ್ರಪಂಚದ ಗಣ್ಯರಿಂದ ಈ ನಿಶ್ಚಿತಾರ್ಥಕ್ಕೆ ಹಾರೈಕೆಗಳ ಮಳೆ ಸುರಿಯುತ್ತಿದೆ.
