ಮಾಜಿ ಸಂಸದ ಡಿ.ಕೆ. ಸುರೇಶ್ ಹೆಸರು ಬಳಸಿ ಜ್ಯುವೆಲ್ಲರಿ ಶಾಪ್ ಮಾಲಕರು ಹಾಗೂ ಉದ್ಯಮಿಗಳನ್ನು ವಂಚಿಸಿದ್ದ ಐಶ್ವರ್ಯಗೌಡ ಪ್ರಕರಣದಲ್ಲಿ ಹೊಸ ಸಂಗತಿ ಬೆಳಕಿಗೆ ಬಂದಿದೆ. ಮೊಬೈಲ್‌ ಕರೆ ವಿವರ (CDR) ಸಂಗ್ರಹಿಸಿ ಮಾರಾಟ ಮಾಡುತ್ತಿದ್ದ ಆರೋಪದಲ್ಲಿ ಪಶ್ಚಿಮ ವಿಭಾಗದ ಪೊಲೀಸರು ಅಕ್ಕೂರು ಠಾಣೆಯ ಹೆಡ್ ಕಾನ್ಸ್ಟೇಬಲ್ ಸುನೀಲ್ (36) ಹಾಗೂ ಐಶ್ವರ್ಯಗೌಡನ ಆಪ್ತ ಪವನ್ (34) ಅವರನ್ನು ಬಂಧಿಸಿದ್ದಾರೆ.
ಸಿಡಿಆರ್‌ ಡೇಟಾ ಲೀಕ್‌: ಪೊಲೀಸರು ಕೈಗೆತ್ತಿಕೊಂಡ ಕಾನೂನು ಕ್ರಮ
- ಐಶ್ವರ್ಯಗೌಡ ಸುಮಾರು 6-7 ಜನರ ಮೊಬೈಲ್‌ ಸಿಡಿಆರ್‌ ಡೇಟಾ ಸಂಗ್ರಹಿಸಿದ್ದಾಳೆ ಎಂಬುದು ತನಿಖೆಯಲ್ಲಿ ಬಹಿರಂಗವಾಗಿದೆ.
- ಹೆಚ್ಚಿನ ಮಾಹಿತಿ ಪಡೆಯಲು ಇಬ್ಬರನ್ನೂ 6 ದಿನಗಳ ಪೊಲೀಸ್ ಕಸ್ಟಡಿಗೆ ಒಪ್ಪಿಸಲಾಗಿದೆ.
- ಈ ಹಿಂದೆ ಐಶ್ವರ್ಯಗೌಡ, ಆಕೆಯ ಪತಿ ಹಾಗೂ ಇತರರ ವಿರುದ್ಧ ಚಂದ್ರಾಲೇಔಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.
- ಆ ತನಿಖೆ ವೇಳೆ ಪೊಲೀಸರು ಐಶ್ವರ್ಯಗೌಡನ ಐಫೋನ್ ಪರಿಶೀಲಿಸಿದಾಗ, ನಾಲ್ಕು ಜನರ CDR ಡೇಟಾ ಇದ್ದು, ಇದು ಹೆಡ್ ಕಾನ್ಸ್ಟೇಬಲ್ ಸುನೀಲ್ ಮೂಲಕ ಲಭ್ಯವಾಗಿದ್ದ ಬಗ್ಗೆ ಮಾಹಿತಿ ಲಭ್ಯವಾಯಿತು.
ಪ್ರತಿ ಸಿಡಿಆರ್‌ಗೆ ₹40,000 ಸಂಗ್ರಹ!
- ಐಶ್ವರ್ಯಗೌಡನ ಆಪ್ತ ಪವನ್ ಮತ್ತು ಹೆಡ್‌ಕಾನ್‌ಸ್ಟೇಬಲ್‌ ಸುನೀಲ್ ಒಟ್ಟಿಗೆ ಸಿಡಿಆರ್‌ ಡೇಟಾ ಮಾರಾಟ ಮಾಡುತ್ತಿದ್ದರು.
- ಸ್ತ್ರೀರೋಗ ತಜ್ಞೆ ಮಂಜುಳಾ ಪಾಟೀಲ್, ನಂದಿನಿ ಪುಟ್ಟೇಗೌಡ, ಖುಷ್ಮಿತಾ ಹಾಗೂ ರೀ ಎಂಬವರ CDR ಡೇಟಾ 2021ರಿಂದ 2024ರ ವರೆಗೆ ಸುನೀಲ್ ನೀಡಿದ್ದಾನೆ.
- ಪ್ರತಿ ಸಿಡಿಆರ್‌ಗೆ ಕನಿಷ್ಠ ₹30,000 – ₹40,000 ವಸೂಲಿ ಮಾಡಲಾಗುತ್ತಿತ್ತು.
ಇಬ್ಬರ ವಿಚಾರಣೆ ಮುಂದುವರಿದಿದ್ದು, ಸಿಡಿಆರ್‌ ಡೇಟಾ ದುರುಪಯೋಗ ಮಾಡಿದ್ದ ಮತ್ತಷ್ಟು ಆರೋಪಿಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.
