ಧರ್ಮಸ್ಥಳದಲ್ಲಿ ಶವ ಪತ್ತೆ ಶೋಧನಾ ಕಾರ್ಯಾಚರಣೆ ವಿಳಂಬ: ಅಸ್ತಿಪಂಜರ ಪತ್ತೆಯಾಗದ ಹಿನ್ನೆಲೆ ಮುಂದೂಡಿದ ಎಸ್ಐಟಿ

ಧರ್ಮಸ್ಥಳ, ದಕ್ಷಿಣ ಕನ್ನಡ: ಧರ್ಮಸ್ಥಳ ಗ್ರಾಮದಲ್ಲಿ ಅನಾಮಧೇಯ ವ್ಯಕ್ತಿಯೊಬ್ಬ ನೀಡಿದ ಅಹವಾಲಿನ ನಂತರ, “ನಾನು ಹಲವಾರು ಮೃತದೇಹಗಳನ್ನು ಹೂತುಹಾಕಿದ್ದೇನೆ” ಎಂಬ ಗಂಭೀರ ಆರೋಪದ ಹಿನ್ನಲೆಯಲ್ಲಿ ರಾಜ್ಯ ಸರ್ಕಾರ ರಚಿಸಿರುವ ವಿಶೇಷ ತನಿಖಾ ತಂಡ (ಎಸ್‌ಐಟಿ) ಮಹತ್ವದ ಶೋಧನಾ ಕಾರ್ಯಾಚರಣೆಗೆ ಮುಂದಾಗಿದೆ.

ಆ ದೂರು ಆಧರಿಸಿ, ಎಸ್‌ಐಟಿ ತಂಡ ಕಳೆದ ಕೆಲವು ದಿನಗಳಿಂದ ತನಿಖೆ ಆರಂಭಿಸಿದ್ದು, ಆರೋಪಿಯು ಗುರುತಿಸಿದ್ದ 13 ಸ್ಥಳಗಳಿಗೆ ಸಂಖ್ಯೆಗಳನ್ನು ನೀಡಲಾಗಿದ್ದು, ಪ್ರವೇಶ ನಿರ್ಬಂಧ ಜಾರಿಯಲ್ಲಿರಿಸಲಾಗಿದೆ. ಈ ಸ್ಥಳಗಳಿಗೆ ಕಾವಲು ನಿಯೋಜಿಸಿ ಕಟ್ಟೆಚ್ಚರ ವಹಿಸಲಾಗಿದೆ.

ಮೂರೂ ಕಡೆ ಸಮಕಾಲೀನ ಅಗೈಕೆಯ ತೀರ್ಮಾನ
ಬುಧವಾರ ಧರ್ಮಸ್ಥಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಒಂದೇ ಸಮಯದಲ್ಲಿ ಮೂರು ಕಡೆಗಳಲ್ಲಿ ಭೂಮಿಯನ್ನು ಅಗೆದು ಶವಗಳ ಬಗ್ಗೆ ಪತ್ತೆಹಚ್ಚುವ ನಿರ್ಧಾರ ಕೈಗೊಳ್ಳಲಾಗಿದೆ. ಈ ಕಾರ್ಯಾಚರಣೆಗೆ ಮೂರು ತಹಸೀಲ್ದಾರ್‌ಗಳು ನೇತೃತ್ವವಹಿಸುತ್ತಿದ್ದು, ಎಸ್‌ಐಟಿ ಮೂರು ವಿಭಿನ್ನ ತಂಡಗಳನ್ನು ರಚಿಸಿದ್ದು, ಸಮಕಾಲೀನವಾಗಿ ಕೆಲಸ ನಡೆಯಲಿದೆ.

ಮಂಗಳವಾರದ ಕಾರ್ಯಾಚರಣೆ ವಿಫಲ
ನಿನ್ನೆ ಎಸ್‌ಐಟಿ ತಂಡ ಮಾರ್ಕ್ ಮಾಡಿರುವ ನಂಬರ್‌–1 ಸ್ಥಳದಲ್ಲಿ ಅಗೆಯುವ ಕಾರ್ಯ ಪ್ರಾರಂಭಿಸಿತು. ಆದರೆ ಅತಿವೃಷ್ಟಿಯಿಂದ ಭೂಮಿಯ ತಳಭಾಗದಲ್ಲಿ ನೀರು ತುಂಬಿದ ಕಾರಣ ಶೋಧನಾ ಕಾರ್ಯದಲ್ಲಿ ಅಡಚಣೆ ಉಂಟಾಯಿತು. ಇದರಿಂದಾಗಿ ಕಾರ್ಮಿಕರಿಂದಲೇ ಪ್ರಾರಂಭವಾದ ಅಗೆವು ನಂತರ ಮಿನಿ ಹಿಟಾಚಿ ಯಂತ್ರದ ಸಹಾಯದಿಂದ ಮುಂದುವರಿಸಲಾಯಿತು. ಆದರೂ ಸಂಜೆವರೆಗೆ ಯಾವುದೇ ಅಸ್ಥಿಪಂಜರ ಅಥವಾ ಶವದ ಪತ್ತೆಯಾಗದೇ ಕಾರ್ಯಾಚರಣೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಯಿತು.

ಸ್ಥಳದಲ್ಲಿ ಬೃಹತ್ ನಿಯೋಜನೆ
ಕಾರ್ಯಾಚರಣೆಯ ಸಮಯದಲ್ಲಿ ಡಾಗ್ ಸ್ಕ್ವಾಡ್, ಪುತ್ತೂರು ಉಪವಿಭಾಗದ ಎ.ಸಿ. ಸ್ಟೆಲ್ಲಾ ವರ್ಗೀಸ್, ವಿಎಫ್‌ಎಸ್ ಮತ್ತು ಎಫ್‌ಎಸ್‌ಎಲ್ ಅಧಿಕಾರಿಗಳು, ಅರಣ್ಯ ಇಲಾಖೆ, ಕಂದಾಯ ಇಲಾಖೆ, ಪೊಲೀಸ್ ಇಲಾಖೆ, ಸಿಐಡಿ ಹಾಗೂ ಎಸ್‌ಐಟಿ ನ ಆಯಾ ವಿಭಾಗದ ಹಿರಿಯ ಅಧಿಕಾರಿಗಳು ಹಾಜರಿದ್ದರು.

ತೀವ್ರ ನಿರೀಕ್ಷೆ ಮುಂದುವರಿದಿದ್ದು, ಬುಧವಾರ ನಡೆಯಲಿರುವ ಅಗೈಕೆ ಕಾರ್ಯದಿಂದ ಯಾವುದೇ ಆಧಾರ ಸಿಗಬಹುದೆಂದು ಅಧಿಕಾರಿಗಳು ನಂಬಿಕೆ ವ್ಯಕ್ತಪಡಿಸಿದ್ದಾರೆ. ಇದರೊಂದಿಗೆ ಧರ್ಮಸ್ಥಳದ ಇತಿಹಾಸದಲ್ಲೇ ಅತ್ಯಂತ ಚರ್ಚಿತ ಪ್ರಕರಣಗಳಲ್ಲಿ ಒಂದಾಗುತ್ತಿರುವ ಈ ಬೆಳವಣಿಗೆ ಕುರಿತು ರಾಜ್ಯದ ಜನತೆಯಲ್ಲಿ ಭಾರೀ ಕುತೂಹಲ ನಿರ್ಮಾಣವಾಗಿದೆ.