ದನಗಳ ಕ್ರೂರ ಅಕ್ರಮ ಸಾಗಾಟ ಪತ್ತೆ:23ಕ್ಕಿಂತ ಹೆಚ್ಚು ಜಾನುವಾರುಗಳ ರಕ್ಷಣೆ

ಸೂರಲ್ಪಾಡಿ, 2025: ದನಗಳ ಅಕ್ರಮ ಸಾಗಾಟ ಪ್ರಕರಣಗಳು ಪುನರಾವರ್ತನೆಯಾಗುತ್ತಿದ್ದು, ಪಶುಗಳ ಮೇಲಿನ ಹಿಂಸಾಚಾರ ತೀವ್ರತೆ ಹೆಚ್ಚುತ್ತಿದೆ. ಕಳೆದ ಎರಡು ವಾರಗಳಲ್ಲೇ ಇದು ಐದನೇ ಪ್ರಕರಣವಾಗಿದ್ದು, ಇತ್ತೀಚೆಗೆ ಸೂರಲ್ಪಾಡಿಯಲ್ಲಿ ಮತ್ತೊಂದು ಗಂಭೀರ ಪ್ರಕರಣ ಬೆಳಕಿಗೆ ಬಂದಿದೆ.

ತೀವ್ರ ಹಿಂಸಾತ್ಮಕ ರೀತಿಯಲ್ಲಿ ದನಗಳನ್ನು ಒತ್ತಿಹಾಕಿ, ಹಗ್ಗಗಳಿಂದ ಕಟ್ಟಿ, ಬೆನ್ನುಮೇಲೆ ನೇತಾಡಿಸುವಂತಹ ಕ್ರೂರ ಪದ್ದತಿಯಲ್ಲಿ ಸಾಗಿಸಲಾಗುತ್ತಿದ್ದ ಮಾಹಿತಿ ಭಜರಂಗ ದಳದ ಕಾರ್ಯಕರ್ತರಿಗೆ ದೊರಕಿದ ನಂತರ, ಅವರು ಶಂಕಿತ ವಾಹನವನ್ನು ತಡೆದು ನಿಲ್ಲಿಸಿದರು. ಸ್ಥಳದಲ್ಲೇ ಪರಿಶೀಲನೆ ನಡೆಸಿದಾಗ, 23ಕ್ಕಿಂತ ಹೆಚ್ಚು ದನಗಳನ್ನು ನಿರ್ದಯವಾಗಿ ಟೆಂಪೋಯಲ್ಲಿ ತುಂಬಲಾಗಿದ್ದದನ್ನು ಕಂಡುಬಂದಿತು.

ಘಟನೆಯ ಕುರಿತು ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಲಾಗಿದ್ದು, ನಂತರ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಮುಂದಿನ ಕ್ರಮ ಕೈಗೊಂಡರು. ಈ ಪ್ರಕರಣದಲ್ಲಿ ಯಾರನ್ನು ಬಂಧಿಸಲಾಗಿದೆ ಎಂಬುದರ ಬಗ್ಗೆ ಇನ್ನೂ ಸ್ಪಷ್ಟತೆ ಇಲ್ಲ.

ಈ ಮಧ್ಯೆ, ದನಗಳ ಅಕ್ರಮ ಸಾಗಾಟ ತಡೆಯಲು ಕಟ್ಟುನಿಟ್ಟಾದ ಕ್ರಮ ಕೈಗೊಳ್ಳಬೇಕೆಂದು ಹೋರಾಟಗಾರರು ಮತ್ತು ಪ್ರಾಣಿ ಪ್ರೇಮಿಗಳು ಆಗ್ರಹಿಸುತ್ತಿದ್ದಾರೆ. ಈ ಕುರಿತಂತೆ ಪ್ರಸ್ತುತ ತನಿಖೆ ಮುಂದುವರಿಯುತ್ತಿದೆ.