ಗಂಡನ ಗೈರ್ ಹಾಜರಿಯಲ್ಲಿ ಮಹಿಳೆಯ ಮೇಲೆ ಅತ್ಯಾಚಾರ, ನಂತರ ಆಸಿಡ್ ದಾಳಿ!

ಅಸ್ಸಾಂನ ಕಚಾರ್ ಜಿಲ್ಲೆಯಲ್ಲಿ ನಡೆದ ಭೀಕರ ಘಟನೆಯಲ್ಲಿ 30 ವರ್ಷದ ಮಹಿಳೆಯ ಮೇಲೆ ನೆರೆಮನಿಯ ವ್ಯಕ್ತಿಯೊಬ್ಬ ಅತ್ಯಾಚಾರ ಎಸಗಿದ ನಂತರ, ಆಕೆಯ ಮಕ್ಕಳ ಎದುರೇ ಆಸಿಡ್ ಸುರಿದಿರುವ ಘಟನೆ ಬೆಳಕಿಗೆ ಬಂದಿದೆ.

ಗಂಡನ ಗೈರ್ ಹಾಜರಿಯಲ್ಲಿ ಮಹಿಳೆ ಮೇಲೆ ದಾಳಿ

ಸಂತ್ರಸ್ತೆಯ ಗಂಡ ಮನೆಯಲ್ಲಿ ಇಲ್ಲದ ಸಂದರ್ಭ, ಆರೋಪಿ ಆಕೆಯ ಮನೆಗೆ ಪ್ರವೇಶಿಸಿದ್ದನ್ನು ನೋಡಿ ಮಹಿಳೆ ಕೋಪಗೊಂಡಿದ್ದಾರೆ. ಮಾತಿಗೆ ಮಾತು ಬೆಳೆದು ವಾಗ್ವಾದ ನಡೆಯುತ್ತಿದ್ದಂತೆ, ಹಠಾತ್ತನೆ ಆರೋಪಿ ಆಕೆಯ ಮೇಲೆ ಹಲ್ಲೆ ನಡೆಸಿದ್ದಾನೆ.

ಅತ್ಯಾಚಾರದ ನಂತರ ಆಸಿಡ್ ದಾಳಿ

ಅತ್ಯಾಚಾರ ಎಸಗಿದ ಆರೋಪಿ, ಅಲ್ಲಿಂದ ಪಾರಾಗುವ ಮೊದಲು ಮಹಿಳೆಯ ಮೇಲೆ ಏನೋ ರಾಸಾಯನಿಕ ದ್ರವ ಸುರಿದು, ಆಕೆಯ ಕೈಕಾಲು ಕಟ್ಟಿಹಾಕಿ, ಬಾಯಿಗೆ ಬಟ್ಟೆ ತುರುಕಿದ ಪರಿಸ್ಥಿತಿಯಲ್ಲೇ ತೊಲಗಿದ್ದಾನೆ.

ಪೊಲೀಸರ ತನಿಖೆ ಆರಂಭ

ಘಟನೆ ಬಗ್ಗೆ ಮಾಹಿತಿ ಪಡೆದ ಕಚಾರ್ ಜಿಲ್ಲೆಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ಆರೋಪಿಯನ್ನು ಬಂಧಿಸಲು ಶೋಧ ನಡೆಸುತ್ತಿದ್ದಾರೆ. ಘಟನೆಯು ಸ್ಥಳೀಯರಲ್ಲಿ ಭಯ ಮತ್ತು ಆಕ್ರೋಶ ಮೂಡಿಸಿದ್ದು, ಆರೋಪಿಗೆ ಕಠಿಣ ಶಿಕ್ಷೆ ನೀಡುವಂತೆ ಸಾರ್ವಜನಿಕರು ಆಗ್ರಹಿಸುತ್ತಿದ್ದಾರೆ.