ಉತ್ತರ ಪ್ರದೇಶದ ಸಹಾರಾನ್‌ಪುರದಲ್ಲಿ ಮದುವೆಯ ಮೊದಲ ರಾತ್ರಿ ಅಸಾಧಾರಣ ಘಟನೆ ನಡೆದಿದೆ. ನವ ವಿವಾಹಿತ ವಧು ತನ್ನ ತಲೆಯ ಮೇಲ್ಮುಸುಕನ್ನು ತೆಗೆಯುವ ಮೊದಲು ಬಿಯರ್‌, ಗಾಂಜಾ ಮತ್ತು ಮೇಕೆ ಮಾಂಸವನ್ನು ತರುವಂತೆ ಕೇಳಿದ್ದಾಳೆ.
ಈ ಅಪ್ರತೀಕ್ಷಿತ ಬೇಡಿಕೆಯನ್ನು ಕೇಳಿದವರ ಶಾಕ್‌ ಆಗಿದ್ದು, ತಕ್ಷಣವೇ ಪೊಲೀಸರ ಮೊರೆ ಹೋಗಿದ್ದಾನೆ. ಈ ವಿಚಿತ್ರ ಘಟನೆಯ ಕುರಿತಾದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದ್ದು, ಜನರಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಿದೆ.
ನೆಟ್ಟಿಗರು ಈ ಘಟನೆಗೆ ವಿಭಿನ್ನ ರೀತಿಯ ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ. ಕೆಲವರು ಇದನ್ನು ಸ್ತ್ರೀಸ್ವಾತಂತ್ರ್ಯದ ಸಂಗತಿಯಾಗಿ ಒಪ್ಪಿಕೊಂಡರೆ, ಇನ್ನು ಕೆಲವರು ಹುಡುಗನ ಪೊಲೀಸರ ಮೊರೆ ಹೋಗುವ ಕ್ರಮವನ್ನು ವ್ಯಂಗ್ಯವಾಗಿ ಪ್ರಶ್ನಿಸಿದ್ದಾರೆ.
ಇದೇ ಸಂದರ್ಭದಲ್ಲಿ ಮತ್ತೊಂದು ತಿರುವು ಕಂಡಿದ್ದು, ಮದುವೆಯಾದ ಮಹಿಳೆ ತೃತೀಯ ಲಿಂಗಿ ಎಂದು ವರದ ಮನೆಯವರು ಆರೋಪಿಸಿದ್ದಾರೆ. ಇಡೀ ಘಟನೆ ಪೊಲೀಸ್ ಠಾಣೆಯಲ್ಲಿ ಹೈಡ್ರಾಮಾಗೆ ಕಾರಣವಾಗಿದ್ದು, ಕೊನೆಗೆ ರಾಜಿ ಮೂಲಕ ಎರಡೂ ಕುಟುಂಬಗಳನ್ನು ಸಮಾಧಾನಪಡಿಸಲಾಗಿದೆ.
