ತಮನ್ನಾ ಭಾಟಿಯಾ ಬಹಿರಂಗಪಡಿಸಿದ ದಕ್ಷಿಣ ಚಿತ್ರರಂಗದ ಕಹಿ ಅನುಭವ: ಹೆಸರು ಹೇಳದೇ ನಟನ ಮೇಲೆ ಆಗ್ರಹ

ದಕ್ಷಿಣ ಭಾರತದ ಪ್ರಖ್ಯಾತ ನಟಿ ತಮನ್ನಾ ಭಾಟಿಯಾ ಇತ್ತೀಚೆಗೆ ಒಂದು ವಿಶೇಷ ಸಂದರ್ಶನದಲ್ಲಿ ಭಾಗವಹಿಸಿ, ತಮ್ಮ ವೃತ್ತಿ ಜೀವನದ ಆರಂಭದಲ್ಲಿ ಎದುರಿಸಿದ್ದ ಅಸಹಜ ಘಟನೆಗಳ ಬಗ್ಗೆ ಮನಬಿಚ್ಚಿ ಮಾತನಾಡಿದ್ದಾರೆ.

ತಮಿಳು ಮತ್ತು ತೆಲುಗು ಚಿತ್ರರಂಗದಲ್ಲಿ ಅಪಾರ ಅಭಿಮಾನಿಗಳನ್ನು ಗಳಿಸಿರುವ ತಮನ್ನಾ, ಹಲವು ಸೂಪರ್‌ಹಿಟ್‌ ಚಿತ್ರಗಳಲ್ಲಿ ಮಹೇಶ್ ಬಾಬು, ಜೂ.ಎನ್‌ಟಿಆರ್‌ ಸೇರಿದಂತೆ ಅಗ್ರಶ್ರೇಣಿಯ ನಟರೊಂದಿಗೆ ನಟಿಸಿದ್ದಾರೆ. ಹಿಂದಿ ಚಿತ್ರರಂಗದಲ್ಲಿಯೂ ತಮ್ಮದೇ ಆದ ಸ್ಥಾನವನ್ನು ನಿರ್ಮಿಸಿಕೊಂಡಿರುವ ಅವರು, ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಹಿಂದಿ ಚಿತ್ರಗಳತ್ತ ಒಲವು ತೋರಿದ್ದಾರೆ.

ಸಂದರ್ಶನದಲ್ಲಿ ತಮ್ಮ ಸಿನಿಮಾ ಪ್ರಾರಂಭದ ದಿನಗಳ ಬಗ್ಗೆ ಹಂಚಿಕೊಂಡ ತಮನ್ನಾ, “ಆ ಸಮಯದಲ್ಲಿ ಕೆಲವೊಂದು ಘಟನೆಗಳು ನನ್ನನ್ನು ಆಘಾತಕ್ಕೊಳಪಡಿಸಿತು. ಒಂದು ಬಾರಿ ದಕ್ಷಿಣದ ಭಾಷೆಯ ಚಿತ್ರದಲ್ಲಿ ನಟಿಸುತ್ತಿರುವಾಗ, ಹೆಸರುವಾಸಿ ನಟನೊಬ್ಬ ನನ್ನೊಂದಿಗೆ ಅನುಚಿತವಾಗಿ ವರ್ತಿಸಲು ಪ್ರಯತ್ನಿಸಿದ. ಆ ವರ್ತನೆ ನನಗೆ ತುಂಬಾ ಅಸಹಜ ಹಾಗೂ ಮುಜುಗರದಾಯಕವಾಗಿತ್ತು. ಆಗಲೇ ಸ್ಪಷ್ಟವಾಗಿ ‘ಈ ರೀತಿಯ ವರ್ತನೆ ಮುಂದುವರಿಸಿದರೆ, ನಾನು ಈ ಚಿತ್ರದಿಂದಲೇ ಹಿಂದೆ ಸರಿಯುತ್ತೇನೆ’ ಎಂದು ಹೇಳಿದ್ದೆ” ಎಂದು ಸ್ಪಷ್ಟಪಡಿಸಿದರು.

ಆ ಘಟನೆ ನಂತರ ಆ ನಟ ಕ್ಷಮೆಯಾಚಿಸಿದ್ದು, ವಿಷಯ ಅಲ್ಲಿ ಅಂತ್ಯಗೊಂಡಿತ್ತೆಂದೂ ಅವರು ತಿಳಿಸಿದರು. ಆದಾಗ್ಯೂ, ಆ ನಟನ ಹೆಸರು ಬಹಿರಂಗಪಡಿಸಲು ತಮನ್ನಾ ನಿರಾಕರಿಸಿದರು, ಇದರಿಂದ ಆ ವ್ಯಕ್ತಿಯ ಗುರುತು ಇನ್ನೂ ನಿಗೂಢವಾಗಿಯೇ ಉಳಿದಿದೆ.

ತಮಿಳು ಚಿತ್ರ ಜೈಲರ್‌ನಲ್ಲಿ ವಿಶೇಷ ಕಾಣಿಕೆ ನೀಡಿದ ನಂತರ, ತಮಿಳು ಸಿನಿಮಾಗಳಲ್ಲಿ ಅವರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿಲ್ಲ. ಪ್ರಸ್ತುತ ಹಿಂದಿ ಚಿತ್ರಗಳು ರೋಮಿಯೋ, ರೇಂಜರ್ ಹಾಗೂ ಐಪಿಎಸ್ ಮಾರಿಯಾ ಸೇರಿದಂತೆ ನಾಲ್ಕು ಸಿನಿಮಾಗಳಲ್ಲಿ ಅವರು ತೊಡಗಿಸಿಕೊಂಡಿದ್ದು, ಇವುಗಳ ಬಿಡುಗಡೆಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ಕೆಲವು ತಿಂಗಳ ಹಿಂದೆ ನಟ ವಿಜಯ್ ವರ್ಮಾ ಜೊತೆ ತಮನ್ನಾ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡಿದರೂ, ಇತ್ತೀಚೆಗೆ ಅವರಿಬ್ಬರು ಬೇರ್ಪಟ್ಟಿದ್ದಾರೆ ಎಂದು ವರದಿಯಾಗಿದೆ.

ತಮನ್ನಾ ಅವರ ಈ ಹೇಳಿಕೆ ಚಿತ್ರರಂಗದಲ್ಲಿ ಮಹಿಳೆಯರು ಎದುರಿಸುವ ಸವಾಲುಗಳ ಬಗ್ಗೆ ಮತ್ತೆ ಚರ್ಚೆಗೆ ಗ್ರಾಸವಾಗಿದೆ.

***

ಭ್ರಷ್ಟರ ಬೇಟೆ ಪತ್ರಿಕೆಗೆ ರಾಜ್ಯಾದ್ಯಂತ ವರದಿಗಾರರು ಬೇಕಾಗಿದ್ದಾರೆ ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ 80 88070392